قىزىق نوقتا خەۋەرلىرى

تۆمۈر چوققا باغرىدا ئىناقلىق كۈيى

2017-07-07 13:12:07     مەنبەسى: شىنجاڭ خەلق رادىيو ئىستانسىسى   

 ئابدۇسالام ئۇلۇغ

 ئونسۇ ناھىيەسىدىكى ھەيۋەتلىك تۆمۈر چوققا باغرىدىكى بىپايان زېمىندا ياشاۋاتقان 240 مىڭ ھەر مىللەت ئامما نەچچە ئون يىلدىن بۇيان، ئۆزئارا ئىتتىپاقلىشىپ، ئانارنىڭ دانىسىدەك زىچ ئۇيۇشۇپ، بىر تۇغقان قېرىنداشلاردەك ئېجىل - ئىناق ياشاپ كەلمەكتە. ئونسۇ ناھىيەسىنىڭ چاغراق يېزىسىدىكى مىللەتلەر ئىتتىپاقلىقى كەنتى، دەپ ئاتالغان چاغراق كەنتى دەل بۇنىڭ تىپىك مىسالى.
 ئونسۇ ناھىيەلىك مەدەنىيەت - تەنتەربىيە، رادىيو - تېلېۋىزىيە ئىدارىسىنىڭ ‹‹ئەلرايىنى بىلىش، ئەلگە نەپ يەتكۈزۈش، ئەلنى مايىل قىلىش›› بويىچە چاغراق يېزىسىنىڭ چاغراق كەنتىدە تۇرۇشلۇق خىزمەت ئەترىتىدىكى كادىرلار يېقىندىن بۇيان ئۇيۇشتۇرغان »مىللەتلەر ئىتتىپاقلىشىپ بىر ئائىلە كىشىلىرىدەك بولۇپ، پارتىيەگە مەڭگۈ مىننەتدارلىق بىلدۈرەيلى« تېمىسىدىكى يېڭىچە ئەھمىيەتلىك پائالىيەتلەر يېزىغا قاراشلىق ھەر قايسى ئورۇنلار ۋە يىراق - يېقىندىكى قوشماقلاشقان تۇغقانلارنىڭ رىشتىنى تېخىمۇ چىڭىتتى. چاغراق كەنتىدىكى ھەر مىللەت قېرىنداشلار قول تۇتۇشۇپ دوستلىشىش، ئۆزئارا قوشماقلىشىپ تۇغقان بولۇش، قوش تىلدا قىزىل ناخشا ئېيتىش تېمىسىدىكى زېھىن سىناش، نۇتۇق سۆزلەش مۇسابىقە پائالىيىتىنىڭ تۈرتكىسىدە، قول تۇتۇشۇپ ئۆزئارا ئىتتىپاقلىشىپ، ئۆزئارا ياردەملىشىپ، ئۆزئارا ئۆگىنىپ، ئورتاق بېيىش يولىغا يۈزلەندى.
 يېقىنقى يىللاردىن بۇيان، چاغراق كەنتى ھەر مىللەت ئامما ئارىسىدا مىللەتلەر ئىتتىپاقلىقىنى كۈچەيتىدىغان پائالىيەتلەرنى قانات يايدۇرۇشنى قەرەللىك تۈردە مۇھىم خىزمەتلەر قاتارىدا چىڭ تۇتۇپ، مىللەتلەر ئىتتىپاقلىقى تەربىيەسى خىزمىتىدىكى ئىلغار ئورۇن ۋە ئىلغار تىپلارنى كۆپلەپ بارلىققا كەلتۈردى ۋە مىللەتلەر ئىتتىپاقلىقى - تەرەققىياتىدىكى نەمۇنىچىلار قوشۇنىنى تەدرىجىي كۆپەيتتى. بۇنىڭ تۈرتكىسىدە بۇ كەنتتە 103 جۈپ مىللەتلەر ئىتتىپاقلىقى - تەرەققىياتىدىكى ئىلغار تىپ بارلىققا كەلدى.
 چاغراق كەنتى 2 - گۇرۇپپىسىدىكى 60 ياشلىق مىللەتلەر ئىتتىپاقلىقى ئۈلگىسى ئابلەت ئەبەيدۇللا مۇنداق دېدى: يېقىنقى يىللاردىن بۇيان، كەنتىمىزدىكى ئۇيغۇر، خەنزۇ قېرىنداشلار بىرلىكتە ئېجىل - ئىناق ياشاپ، چوڭقۇر دوستلۇق ئورنىتىپ، قوشماقلىشىپ تۇغقانلىشىش مۇناسىۋىتىنى داۋاملاشتۇرۇپ كېلىۋاتىمىز. مەن خەنزۇ قېرىندىشىم سۇ جيەنچۈن بىلەن قوشماقلىشىپ ئاكا - ئىنى بولغىلى ئون يىلدىن ئاشتى. بىز خۇددى بىر ئائىلە كىشىلىرىدەك قېرىنداشلىق مېھىر - مۇھەببىتىمىز بىلەن ئۆزئارا ئۆگىنىپ، بىرلىكتە ئىشلەپ، دېھقانچىلىق، چارۋىچىلىق، باغۋەنچىلىك ئىشلىرىنى ئورتاق قىلىپ، بېيىش يولىدا بىرلىكتە ئىلگىرىلەۋاتىمىز.
 بۇنىڭدىن ئون يىل ئىلگىرى يەنى 2007 - يىلى كۈزدە سۇ جيەنچۈن ئىچكىرىدىن بۇ كەنتكە يېڭى كەلگەندە ئابلەت ئەبەيدۇللا ئۇنىڭ بىلەن قىزغىن ئەھۋاللىشىپ تونۇشقانىدى، شۇ مەزگىللەردە ئابلەت ئەبەيدۇللا سۇ جيەنچۈنگە يېرىنىڭ بىر قىسمىنى بۆلۈپ بەرگەندىن سىرت، ئۇنىڭغا 30 مىڭ يۈەندىن كۆپرەك مەبلەغ ياردەم قىلىپ، ئۇنىڭ تۇرمۇشىنى ياخشىلىۋېلىشىغا ھەمدەم بولغانىدى. شۇنىڭدىن تارتىپ ئۇلار ئاكا - ئىنى بولۇشۇپ، بىر - بىرىگە يار - يۆلەك بولۇپ ئۆتۈشتى. ئون يىل مابەينىدە ئابلەت ئەبەيدۇللا ھەر يىلى ئىنىسى سۇ جيەنچۈننىڭ 205 مو ياڭاق، چىلان ئاساس قىلىنغان مېۋىلىك بېغى ۋە قوشۇمچە ئېتىز - ئېرىق ئىشلىرىغا ئىزچىل ياردەملىشىپ كەلدى. بۇ ئىككى ئائىلىنىڭ چوڭقۇر دوستلۇقى، ئىناقلىق ھېكايىسى يىراق - يېقىنغا تارقىلىپ، ئەتراپتىكىلەرنىڭ ماختىشىغا ئېرىشتى. يېقىنقى يىللاردىن بۇيان، بۇ ئىككى ئائىلە بىر گەۋدىگە ئايلىنىپ، سۇ جيەنچۈن دېھقانچىلىق، باغۋەنچىلىك ۋە ماشىنا - تىراكتورلارنىڭ تېخنىكىلىق مەشغۇلات ئىشلىرىنى قىلىشقا مەسئۇل بولۇپ، ئىككىسى بىرلىكتە مەھەللىدىكى دېھقانلارنىڭ ئېتىز - ئېرىق ئىشلىرىنى خالىسانە قىلىشىپ بېرىپ، كەنتتىكى ئامما ئارىسىدا ياخشى تەسىر پەيدا قىلدى. ئابلەت ئەبەيدۇللا مۇنداق دېدى: مەن يېقىندا ئۆزۈم ئولتۇرۇۋاتقان ئۆينىڭ ئارقىسىدىكى بىر قىسىم يەرنى ئىنىم سۇ جيەنچۈننىڭ قورۇ - جاي سېلىۋېلىشىغا بەردىم ھەم ئۇنىڭ ئۆي سېلىشىغىمۇ ياردەملەشتىم، ئۇلار ھازىر يېڭى ئۆيىگە كۆچۈۋالدى، ئەمدى ئارىمىز تېخىمۇ يېقىن بولدى. بۇنىڭدىن كېيىن مەن مىللەتلەر ئىتتىپاقلىقى ناخشىسىنى ئەۋلادمۇ ئەۋلاد مەڭگۈ ئۈزۈلدۈرمەي ياڭرىتىمەن. شۇنداقلا كەنتىمىزدىكى ھەر مىللەت ئامما ئوتتۇرىسىدىكى مۇناسىۋەتنى تېخىمۇ ياخشىلاشقا كۈچ چىقىرىمەن.
 

[an error occurred while processing this directive]
[an error occurred while processing this directive]
[an error occurred while processing this directive]
نادىر ناخشا – مۇزىكىلار
تور بېتىمىزدىكى يېڭىلىقلار
شىنجاڭ خەلق رادىئو ئىستانسىسى كەسىپ ئىستىلى قىزىق لىنىيەسى پىروگراممىسىدا،  5 -  ئاينىڭ 25 -كۈنى بايىنغۇلىن مۇڭغۇل ئاپتۇنوم ئوبلاستىدا ـــ  ۋىلايەت-ئوبلاست رەھبەرلىرىنىڭ كۈتۈۋېلىش كۈنى ئالاھىدە پروگراممىسى؛ 5- ئاينىڭ 27- كۈنى  بۈگۈر ناھىيەسىدە « ناھىيە-شەھەر رەھبەرلىرىنىڭ كۈتىۋېلىش كۈنى» ئالاھىدە پىروگراممىسى نەق مەيداندىن بىۋاستە ئاڭلىتىلىدۇ
 ئىستانسىمىز ئاپتونوم رايونلۇق خەلق ھۆكۈمىتى كەسپتىكى ناتوغرا ئىستېللارنى تۈزىتىش ئىشخانىسى، ئاپتونوم رايونلۇق قاتناش ـ ترانسپورت نازارىتى، ئاپتونوم رايونلۇق جامائەت خەۋپسىزلىكى نازارىتى بىلەن بىرلىشىپ ئۆتكۈزىدىغان، كەسپ ئىستېلى قىزىق لېنىيىسى پروگراممىسىنىڭ «قاتناش 10 مىڭ چاقىرىملىق سەپىرى چوڭ تىپتىكى بىۋاستە ئاڭلىتىش پائالىيىتى» 10- ئاينىڭ 16- كۈنى يەنى ئەتە خوتەن ۋىلايىتىدە  ئۆتكۈزىلىدۇ
More>>
رادىيو دىراممىسى
بۇ بەتنىڭ نەشىر ھوقۇقى شىنجاڭ خەلق رادىيو ئىستانسىسىغا تەۋە
ئالاقىلىشىش نومۇرى: 2571553، 2578492
ئادرىسىمىز: ئۈرۈمچى شەھىرى ئىتتىپاق يولى 830- نومۇر شىنجاڭ خەلق رادىيو ئسىتانسىسى تور مەركىزى