قىزىق نوقتا خەۋەرلىرى

دوستۇمنىڭ روزغار باشقۇرۇش تەجرىبىلىرىدىن ئويلىغانلىرىم

2017-07-11 13:54:37     مەنبەسى: شىنجاڭ خەلق رادىيو ئىستانسىسى   

پاتىمە ئەيسا

بۈگۈنكى كۈندە ئىقتىسادنى ئوبدان باشقۇرۇش، ئۇنىڭدىن جانلىق پايدىلىنىش، مۈلۈكىنىڭ قىممىتىنى ئاشۇرۇش يوللىرى ئۈستىدە داۋاملىق ئىزدىنىش ھەر بىر ئادەم ئۈچۈن ئىنتايىن مۇھىم. ئەتراپىمىزغا نەزەر سالساق، ئوخشاش كىرىملىكلەر ئارىسىدىمۇ بەزىلەرنىڭ ھال - كۈنىنىڭ خېلىلا ئوبدان ئۆتۈۋاتقانلىقىنى، بەزىلەرنىڭ بولسا ئۇنداق ئەمەسلىكىنى ھېس قىلىمىز. نېمە ئۈچۈن شۇنداق بولىدۇ؟ جاۋاب: ئۇلارنىڭ روزغار باشقۇرۇش سەۋىيەسىدە پەرق بولغانلىقىدىن مۇشۇنداق نەتىجە كېلىپ چىقىدۇ.
@ مېنىڭ يالغۇز ئوغلى بىلەن بىللە تۇرمۇش كەچۈرۈۋاتقىنىغا خېلى ئۇزاق بولغان بىر دوستۇم بار. ئۇ ئاددىي خىزمەت ئورنىدا تىرىشىپ ئىشلەش بىلەن بىللە، ئائىلە ئىقتىسادىنى ئوبدان باشقۇرۇپ، بالىسىنى ئوبدان ئوقۇتۇش ئۈچۈن تىنىمسىز ئىزدىنىپ كەلدى. ئۇ دەسلەپتە خىزمىتىگە تەسىر يەتكۈزمىگەن ئاساستا،  گىرىم بۇيۇملىرىنى سېتىشتىن ئىش باشلىغانىدى، كېيىن پاي چېكى ئويۇنىغا تۇتۇش قىلدى. 2007-يىلى بانكىدىن رەنىلىك قەرز پۇل ئېلىپ، ئۈرۈمچىدىكى« جىنكۈن » مەھەللىسىدىن 90 كۋادرات مېتىرلىق ئۆي سېتىۋالدى، شۇ چاغدا ئۇ بۇ ئۆينى ئاددىيلا بېزەپ، ئىجارىگە بەرگەنىدى. بىر - ئىككى يىلغا قالماي بۇ ئۆينىڭ باھاسى ئوبدانلا ئۆستى، شۇڭا ئۇ يېقىندا ئۇ ئۆيىنى سېتىۋېتىپ، يەتمىگىنىگە يەنە بانكىدىن قەرز پۇل ئېلىپ، «لاڭتيەن » مەھەللىسىدىن 100 كۋادرات مېتىرلىق ئۆيدىن ئىككىنى سېتىۋالدى. دوستۇم ئۆي باھاسىنىڭ داۋاملىق ئۆسىدىغانلىقىنى بەش يىل ئىلگىرىلا مۆلچەرلەپ، بانكىدىن قەرز پۇل ئېلىش ھەققىدىكى ئۇچۇرلارنى ئوبدان ئىگىلىگەن ئىكەن. دوستۇمنىڭ ئېيتىشىچە، ئۇ ئىقتىساد مەسلىھەتچلىرىنىڭ 100 يۈەن كىرىم قىلسا، ئۇنىڭدىن 25 يۈەننى ئۆي، 25 يۈەننى ئالتۇن، 25 يۈەننى پاي چېكى سېتىۋېلىشقا مەبلەغ قىلىپ سالىدىغان، ئېشىپ قالغان 25 يۈەننى تۇرمۇشقا ئىشلىتىدىغان روزغار باشقۇرۇش ئەندىزىسىنى ئۆرنەك قىلىدىكەن.
   ئۇ ماڭا دۆلەتنىڭ سىياسەت، بەلگىلىمىلىرىگە، جەمئىيەتنىڭ تەرەققىيات يۆنىلىشىگە ھەر ۋاقىت دىققەت قىلىپ تۇرىدىغانلىقىنى، بۇنىڭ ئائىلە كىرىمىنى ئاشۇرۇش پۇرسىتىنى تۇتۇشقا پايدىسى بارلىقىنى ئېيتتى. ئۇ ئىقتىسادقا ئائىت گېزىت - ژۇرناللارغا مۇشتەرى بولۇپ، روزغارچىلىق ھەققىدىكى ساۋات، ئۇچۇر، مەملىكەت ئىچى ۋە سىرتىدىكى ئىقتىسادشۇناسلارنىڭ ئىقتىسادنىڭ يۈزلىنىشى توغرىسىدىكى مۇلاھىزىلىرىنى ئوقۇپ، ئىقتىساد ئېڭىنى ئۆستۈرىدىكەن. ئۇ ھەر ۋاقىت تۇرمۇشتا ئاددىي - ساددا بولۇپ، ئائىلىسىنىڭ غېمى بىلەن ئالدىراش يۈرۈيدۇ، ئارتۇقچە باردى - كەلدىسىمۇ يوق. بۇرۇن بىز ئۇنىڭدىن «بىزنى تاشلىۋەتتىڭ» دەپ رەنجىيتتۇق، ھازىر «قالتىس ئىش قىلىۋاتىسەن، ئوغلۇڭنى ئوبدان ئوقۇتتۇڭ، تۇرمۇشۇڭنى گۈلدەك ئۆتكۈزۈۋاتىسەن» دەپ ماختايدىغان بولدۇق.
@ ھازىر روزغار باشقۇرۇش بىزنىڭ بارلىق ئىشىمىز بىلەن بىۋاسىتە مۇناسىۋەتلىك. كىرىمنى، مۈلۈكنى قانداق باشقۇرۇشنى، ئۇنىڭدىن قانداق پايدىلىنىشنى، ئۇنىڭ قىممىتىنى قانداق ئاشۇرۇشنى بىلىش ئىنتايىن زۆرۈر. دەۋر تەرەققىياتىمۇ بىزدىن كونا قاراشلارنى چۆرۈپ تاشلاپ، زامانغا لايىق ئىقتىساد ئېڭى، روزغار باشقۇرۇش ئېڭىنى تۇرغۇزۇشىمىزنى جىددىي تەلەپ قىلىدۇ.
 

[an error occurred while processing this directive]
[an error occurred while processing this directive]
[an error occurred while processing this directive]
نادىر ناخشا – مۇزىكىلار
تور بېتىمىزدىكى يېڭىلىقلار
شىنجاڭ خەلق رادىئو ئىستانسىسى كەسىپ ئىستىلى قىزىق لىنىيەسى پىروگراممىسىدا،  5 -  ئاينىڭ 25 -كۈنى بايىنغۇلىن مۇڭغۇل ئاپتۇنوم ئوبلاستىدا ـــ  ۋىلايەت-ئوبلاست رەھبەرلىرىنىڭ كۈتۈۋېلىش كۈنى ئالاھىدە پروگراممىسى؛ 5- ئاينىڭ 27- كۈنى  بۈگۈر ناھىيەسىدە « ناھىيە-شەھەر رەھبەرلىرىنىڭ كۈتىۋېلىش كۈنى» ئالاھىدە پىروگراممىسى نەق مەيداندىن بىۋاستە ئاڭلىتىلىدۇ
 ئىستانسىمىز ئاپتونوم رايونلۇق خەلق ھۆكۈمىتى كەسپتىكى ناتوغرا ئىستېللارنى تۈزىتىش ئىشخانىسى، ئاپتونوم رايونلۇق قاتناش ـ ترانسپورت نازارىتى، ئاپتونوم رايونلۇق جامائەت خەۋپسىزلىكى نازارىتى بىلەن بىرلىشىپ ئۆتكۈزىدىغان، كەسپ ئىستېلى قىزىق لېنىيىسى پروگراممىسىنىڭ «قاتناش 10 مىڭ چاقىرىملىق سەپىرى چوڭ تىپتىكى بىۋاستە ئاڭلىتىش پائالىيىتى» 10- ئاينىڭ 16- كۈنى يەنى ئەتە خوتەن ۋىلايىتىدە  ئۆتكۈزىلىدۇ
More>>
رادىيو دىراممىسى
بۇ بەتنىڭ نەشىر ھوقۇقى شىنجاڭ خەلق رادىيو ئىستانسىسىغا تەۋە
ئالاقىلىشىش نومۇرى: 2571553، 2578492
ئادرىسىمىز: ئۈرۈمچى شەھىرى ئىتتىپاق يولى 830- نومۇر شىنجاڭ خەلق رادىيو ئسىتانسىسى تور مەركىزى