قىزىق نوقتا خەۋەرلىرى

بالىلىرىمىزنى ئەرزان يېمەكلىك رام قىلىۋالمىسۇن

2017-07-13 19:36:15     مەنبەسى: شىنجاڭ خەلق رادىيو ئىستانسىسى   
ئاتا - ئانىغا نىسبەتەن «دۇنيادا نېمە ئەڭ تاتلىق» دېگەن سوئالغا بېرىلىدىغان جاۋاب، شۈبھىسىزكى پەرزەنت ۋە پەرزەنت مېھرىدۇر. ئەمما، شەھەردە ياشاۋاتقان بەزى پەرزەنتلىرىمىزدىن ئوخشاش سوئالنى سورىساق، ئېرىشىدىغان جاۋابىمىز «دۇنيادا ئەڭ تاتلىق نەرسە ناۋات»، «شاكىلات»، «ھامبۇرگ قاتلىمىسى»، « توخۇ پاچىقى» دېگەن جاۋابلار بولۇشى مۇمكىن. ئەلۋەتتە، بىز پەرزەنتلىرىمىزدىن چىن مەنىدىكى «تاتلىق»نىڭ نېمىلىكىنى چوڭقۇر مەنىسى بويىچە ئېيتىپ بېرىشنى تەلەپ قىلساق ئارتۇقچە بولار، چۈنكى ئۇلارمۇ بىزگە ئوخشاش ھايات داۋانلىرىدىن ئېشىش جەريانىدا بۇ سوئالغا توغرا جاۋاب بېرىدۇ. بىراق، بىزنىڭ ئۇلارنى ئۆزلىرى ياخشى كۆرىدىغان ئاتالمىش «تاتلىق»لارنىڭ زىيىنىدىن قوغداش مەجبۇرىيىتىمىز بار.
   قىزىم ئوقۇيدىغان باشلانغۇچ مەكتەپ بىلەن ئىدارەمنىڭ ئارىلىقى يېقىنراق بولغاچقا، مەكتەپكە ئۆزۈم ئاپىرىپ ئەكەلدىم. شۇ جەرياندا بالىلارنىڭ كۆپىنچىسىنىڭ مەكتەپ دەرۋازىسىدىن چىقىپلا، ئەتراپتىكى دۇكانلارغا توپلىشىپ ئۇششاق يېمەكلىكلەرنى تالىشىپ سېتىۋېلىپ، مەززە قىلىپ يېيىشلىرىنى كۆرىمەن. قىزىمنىڭمۇ ئۇلارغا ھەۋەس بىلەن قاراۋاتقانلىقىنى سېزىمەن. مۇخبىرلىق سەزگۈرلۈكى مېنى ئاشۇ دۇكانلاردا سېتىلىۋاتقان يېمەكلىكلەرنىڭ سۈپىتىگە قارىتا ئىزدىنىش ئىستىكى قوزغىدى.
   تۇنجى قەدەمدە ئۈرۈمچىدىكى بەزى باشلانغۇچ مەكتەپنىڭ ئەتراپىدىكى كىچىك دۇكانلارنىڭ جايلىشىش ئەھۋالىنى ۋە سېتىلىۋاتقان تاۋارلىرىنىڭ تۈرىنى تەكشۈردۈم. كۆپىنچە دۇكانلاردا بالىلارنى قىزىقتۇرىدىغان ئەرزان ئويۇنچۇقلار ۋە ئۇششاق يېمەكلىكلەر تىزىپ قويۇلۇپتۇ. بۇ يېمەكلىكلەر بالىلارنى جەلپ قىلالايدىغان ئورالمىلارغا ئورالغان بولۇپ، كۆپىنچىسىنىڭ باھاسى بەش مو بىلەن بىر يۈەننىڭ ئارىلىقىدا ئىكەن. بۇنىڭدىن بۇ دۇكانلارنىڭ ئوقۇغۇچىلارنىڭ سېتىۋېلىش كۈچىنى ئاساس قىلىدىغانلىقىنى جەزم قىلغىلى بولاتتى.
   دوست - بۇرادەرلىرىم ۋە خىزمەتداشلىرىمدىن سۈرۈشتۈرۈپ كۆرۈشۈمچە، ئۇلار كۈندە ئوتتۇرا ھېساب بىلەن بالىلىرىغا بىر يۈەندىن - بەش يۈەنگىچە پارچە خىراجەت پۇلى بېرىدىكەن. بالىلار بۇ پۇللارنى ئاساسىي جەھەتتىن ئۇششاق يېمەكلىكلەرنى سېتىۋېلىشقا سەرپ قىلىدىكەن. گەرچە ئۇلار پەرزەنتلىرىنىڭ بۇنداق قىلىشىنى چەكلەپ تۇرىدىغان بولسىمۇ، يەنىلا ئۈنۈمى بولماپتۇ.
   مەن تېخىمۇ ئىلگىرىلىگەن ھالدا ئېنىقلاپ بېقىش ئۈچۈن، تۈرلۈك يېمەكلىكلەردىن ئون قاپ سېتىۋېلىپ، ئۇلارنىڭ قاپلىرىغا بېسىلغان زاۋۇت نامى، ئادرېسى، كارخانىلارنىڭ يېمەكلىك ئىشلەپچىقىرىش ئىجازەتنامىسى ‹‹QS›› قاتارلىق ئۇچۇرلىرىنى دۆلەت يېمەكلىك سۈپىتى بىخەتەرلىك تورىدا تەكشۈرۈپ باقتىم. نەتىجە شۇ بولدىكى، توردا بۇ ئۇششاق يېمەكلىكلەرنىڭ سەككىز تۈرىنىڭ ھېچقانداق ئۇچۇرى چىقمىدى.
   بۇ ئۇششاق يېمەكلىكلەرنىڭ قاپلىرىغا بېسىلغان چۈشەندۈرۈشتىن مەلۇم بولۇشىچە، بۇ يېمەكلىكلەر ئاساسەن ئۇن، تېتىتقۇ، مۇئەتتەر قاتارلىق ئوزۇقلۇق قىممىتى تۆۋەن خۇرۇچلاردىن ئىشلىنىدىكەن. كۆپىنچىسىگە يەنە رەڭ ۋە تەم تەڭشەش ئېھتىياجىدىن تۈرلۈك خىمىيەلىك خۇرۇچلار قوشۇلىدىكەن. بالىلار بۇنداق يېمەكلىكلەرنى ئۇزاق مۇددەت ئىستېمال قىلسا، ئۇلارنىڭ ھەزىم قىلىش سىستېمىلىرىغا زىيان يەتكۈزۈپ، ساغلام ئۆسۈشىگە تەسىر كۆرسىتىدىكەن.
   ئۇنداقتا، زادى قانداق قىلغاندا بالىلارنى بۇنداق سۈپەتسىز يېمەكلىكلەرنىڭ زىيىنىدىن ساقلاپ قالغىلى بولىدۇ؟ بۇ مەسىلە ھەققىدە بىر نەچچە ئوقۇتقۇچى بىلەن پىكىرلىشىپ باقتىم. ئۇلار مۇنداق دېدى:  بىر  قىسىم  دۇكانلاردا سېتىلىۋاتقان ئۇششاق يېمەكلىكلەرنىڭ سۈپەت مەسىلىسى بىزنىمۇ ئەندىشىگە سېلىۋاتىدۇ. بىز بۇنىڭدىن كېيىن ساغلاملىق دەرسىگە بىرلەشتۈرۈپ، بالىلارغا ئۇششاق يېمەكلىكلەرنىڭ سۈپىتىنى پەرقلەندۈرۈشنى، قايسى خىل يېمەكلىكنىڭ پايدىلىق، قايسى خىل يېمەكلىكنىڭ زىيانلىق ئىكەنلىكىنى ئۆگىتىشكە تىرىشىمىز. بۇنىڭدا يەنىلا مەكتەپ بىلەن ئاتا - ئانىلار زىچ ماسلىشىشى، بالىلارغا سۈپەتسىز يېمەكلىكلەرنى يېمەسلىك ھەققىدە تەربىيە بېرىشى لازىم. ئۈرۈمچى شەھەرلىك سودا - سانائەتنى مەمۇرىي باشقۇرۇش ئىدارىسى يېمەكلىك باشقارمىسىنىڭ باشلىقىنىڭ دېيىشىچە، «يېمەكلىك بىخەتەرلىك قانۇنى»غا ئاساسلانغاندا، يېمەكلىك ساتقۇچى تەرەپ چوقۇم يېمەكلىكنىڭ قاچان كىرگۈزۈلگەنلىكى، كىمنىڭ تەمىنلىگەنلىكى، مال بىلەن تەمىنلىگۈچىنىڭ ئالاقىلىشىش ئۇسۇلى قاتارلىقلارنى راستچىللىق بىلەن تەمىنلىشى، ئىجازەتنامىسى يوق، سۈپەتسىز يېمەكلىكلەرنىڭ بازارغا كىرىشىنىڭ ئالدىنى ئېلىشى زۆررۈر ئىكەن.
   ئومۇمەن، جەمئىيەت، مەكتەپ، ئاتا - ئانىلار ۋە قانۇن ئىجرا قىلىش تارماقلىرى ئاكتىپ ماسلىشىپ، مەكتەپ ئەتراپىدىكى كىچىك دۇكانلارنى نازارەت قىلىش سالمىقىنى ئاشۇرۇشى ھەم ئىزچىللىققا ئىگە، ئۈنۈملۈك، ئۇزاق مۇددەتلىك باشقۇرۇش مېخانىزمىنى ئورنىتىپ، بالىلارنىڭ ساغلام ئۆسۈپ يېتىلىشى ئۈچۈن ياخشى مۇھىت ھازىرلىشى لازىم.
[an error occurred while processing this directive]
[an error occurred while processing this directive]
[an error occurred while processing this directive]
نادىر ناخشا – مۇزىكىلار
تور بېتىمىزدىكى يېڭىلىقلار
شىنجاڭ خەلق رادىئو ئىستانسىسى كەسىپ ئىستىلى قىزىق لىنىيەسى پىروگراممىسىدا،  5 -  ئاينىڭ 25 -كۈنى بايىنغۇلىن مۇڭغۇل ئاپتۇنوم ئوبلاستىدا ـــ  ۋىلايەت-ئوبلاست رەھبەرلىرىنىڭ كۈتۈۋېلىش كۈنى ئالاھىدە پروگراممىسى؛ 5- ئاينىڭ 27- كۈنى  بۈگۈر ناھىيەسىدە « ناھىيە-شەھەر رەھبەرلىرىنىڭ كۈتىۋېلىش كۈنى» ئالاھىدە پىروگراممىسى نەق مەيداندىن بىۋاستە ئاڭلىتىلىدۇ
 ئىستانسىمىز ئاپتونوم رايونلۇق خەلق ھۆكۈمىتى كەسپتىكى ناتوغرا ئىستېللارنى تۈزىتىش ئىشخانىسى، ئاپتونوم رايونلۇق قاتناش ـ ترانسپورت نازارىتى، ئاپتونوم رايونلۇق جامائەت خەۋپسىزلىكى نازارىتى بىلەن بىرلىشىپ ئۆتكۈزىدىغان، كەسپ ئىستېلى قىزىق لېنىيىسى پروگراممىسىنىڭ «قاتناش 10 مىڭ چاقىرىملىق سەپىرى چوڭ تىپتىكى بىۋاستە ئاڭلىتىش پائالىيىتى» 10- ئاينىڭ 16- كۈنى يەنى ئەتە خوتەن ۋىلايىتىدە  ئۆتكۈزىلىدۇ
More>>
رادىيو دىراممىسى
بۇ بەتنىڭ نەشىر ھوقۇقى شىنجاڭ خەلق رادىيو ئىستانسىسىغا تەۋە
ئالاقىلىشىش نومۇرى: 2571553، 2578492
ئادرىسىمىز: ئۈرۈمچى شەھىرى ئىتتىپاق يولى 830- نومۇر شىنجاڭ خەلق رادىيو ئسىتانسىسى تور مەركىزى