قىزىق نوقتا خەۋەرلىرى

مەسئۇلىيەتچانلىق-كىشىلىك ھاياتتىكى بەختتۇر

2017-08-23 18:11:21     مەنبەسى: شىنجاڭ خەلق رادىيو ئىستانسىسى   
ئەكرەمجان مەترۇسۇل ئۈمىدى
زامان تەرەققىي قىلغان،ئىقتىساد ئاشقان ،ھەممىلا ئادەمگە بىلىم ئېلىش پۇرسىتى كەڭرى قۇچاق ئاچقان بۈگۈنكى كۈندە بىلىملىك ،ئىقتىدارلىقلار ۋە ئىقتىدار، مەسئۇلىيىتىنى سەمىمىي ئادا قىلىدىغانلار ئاز ئەمەس.كىشىلىك ھاياتتا ھەر كىم زىممىسىدىكى مەسئۇلىيەتنى سەمىمىي ئادا قىلىش روھىنى يېتىلدۈرۈشى بەكمۇ زۆرۈردۇر.
ھاياتلىقتا نىشانغا يېتىشتە كىشىلەرنىڭ كۆزىنى رەڭگارەڭ دۇنيا ئالا-چەكمەن قىلىۋېتىشى مۇمكىن.بىراق،ئۆزىنىڭ نىمە ئىش قىلىۋاتقانلىقىنى ،مەسئۇلىيىتىنىڭ زادى نېمە ئىكەنلىكىنى ئۇنتۇش،ھەتتا ئۆزىنىڭ ئەسلىدىكى ئىزدىنىش نىشانىدىنمۇ ئادىشىش بەكمۇ ئەپسۇسلۇق ئىش بولۇپ، ھامان مەغلۇبىيەتكە سەۋەپ بولىدۇ. ئىنتىلىشچان بىر كىشىنىڭ كەسىپتە سادىر قىلغان بەزى خاتالىقلىرى توغرىسىدا ئەستايىدىل ئويلىنىشنىڭ ئۆزىمۇ بىر خىل يۈكسەك مەسئۇلىيەت. ئەلۋەتتە،بىر ئىشنى لايىقىدا بىر تەرەپ قىلالماسلىقنىڭمۇ نۇرغۇن سەۋەبى بولىدۇ. مەسىلىلەرگە يۈزلەنگەندە سەۋەبىنى باشقىلاردىن، شارائىتتىن ئىزدىمەي، ئالدىن ئۆزىدىكى  تۈپكى سەۋەبىدىن ئىزدەش ئەڭ ئاقىلانلىق.چۈنكى ئۇ شۇ كىشىنى قايتلانغۇسى سەۋەنلىكتىن ساقلاپ ،توختاۋىسىز ئالغا بېسىشقا، ھەر قاچان سەگەك تۇرۇشقا ئۈندەيدۇ.قىلىۋاتقان ئىشىغا مەسئۇل بولۇشنىڭ ئۆزى ھاياتىمىزنى خاتىرجەم ،ئىناق ئۆتكۈزۈشىمىزنىڭ ئەڭ مۇھىم كاپالىتى. بىر مۇنەۋۋەر ئىختىساس ئىگىسى ئالدى بىلەن ئۆزىنىڭ بىلىم قۇرۇلمىسى، ساپاسى ۋە ئىقتىدارىنى ئاشۇرۇش بىلەن بىللە، مەسئۇلىيەتنى ئادا قىلىش تۇيغۇسىنى دائىم كۈچلەندۈرۈپ تۇرۇشقا توغرا كېلىدۇ.
ھاياتلىق سەھنىسىدە ھەر بىر ئادەم ھامان ئوخشاشمىغان روللارنى ئېلىپ ياشايدۇ.ھەر بىر رولچى ئوخشاشمىغان مەسئۇلىيەتنى ئۆز ئۈسىتىگە ئالغان بولىدۇ. مەلۇم نۇقتىدىن ئالغاندا ،رول ئالغان ھەر بىر ئارتىسنىڭ ئەڭ زور ئۇتۇقى ۋە شان-شەرىپى -ئۆز مەسئۇلىيىتىنى ياخشى ئادا قىلغانلىقىدا ئىپادىلىنىدۇ.ھەقىقىي مەسئۇلىيەتنىڭ چىن مەنىسى شۇكى، قىيىنچىلىقتىن، ئۆز مەسئۇلىيىتىدىن باش تارتماسلىق، نەتىجە قازانغاندا كۆرەڭلىمەي سوغۇققان بولۇش،مەغلۇپ بولغاندا، قىيىنچىلىق پاتقىقىغا پاتقاندا،ئۈمىدسىزلەنگەندە قەتئى بەل قويىۋەتمەسلىك بولۇپ ھېساپلىنىدۇ.
 
[an error occurred while processing this directive]
[an error occurred while processing this directive]
[an error occurred while processing this directive]
نادىر ناخشا – مۇزىكىلار
تور بېتىمىزدىكى يېڭىلىقلار
رادىيو دىراممىسى
بۇ بەتنىڭ نەشىر ھوقۇقى شىنجاڭ خەلق رادىيو ئىستانسىسىغا تەۋە
ئالاقىلىشىش نومۇرى: 2571553، 2578492
ئادرىسىمىز: ئۈرۈمچى شەھىرى ئىتتىپاق يولى 830- نومۇر شىنجاڭ خەلق رادىيو ئسىتانسىسى تور مەركىزى