قىزىق نوقتا خەۋەرلىرى

رەڭدارلىققا تولغان تەتىللىك تۇرمۇش

2017-08-24 18:52:19     مەنبەسى: شىنجاڭ خەلق رادىيو ئىستانسىسى   

گۈلقىز روزى

5-باشلانغۇچتا ئوقۇيدىغان ئايقۇت ئېلزات بۇ يىل تەتىلدە بېيجىڭغا بېرىپ، مەملىكەتلىك ئىنگىلىز تىلى مۇسابىقىسىگە قاتنىشىپ، 2 -دەرىجىگە ئېرىشتى. مۇسابىقە ئاياقلاشقاندىن كىيىن، ئىككى كۈنلۈك ساياھەت ئۆمىكىگە قاتنشىىپ، سەددىچىن سېپىلى قاتارلىق بېيجىڭنىڭ ساياھەت نوقتىلىرىنى كۆردى. «بېيجىڭ بەك چوڭ، سەددىچىن سېپىلى بەك ئۇزۇنكەن، مېڭىپ بولالماي ھېرىپ قالدىم.» بېيجىڭدىن قايتىپ كەلگەندىن كىيىن ئايقۇت مەھەللىدىكى دوستلىرى بىلەن مىھماندارچىلىق، قوغلاشماق ئويناپ ئۆتكۈزدى. مەكتەپكە بېرىشقا ئاز قالغانسىرى مەكتەپنى، مۇئەللىملىرىنى ۋە مەكتەپتىكى دوستلىرىنى سېغىنىپ كەتكەنلىكىنى ئېيتتى.
 سۈمەييەنىڭ تەتىللىك تاپشۇرۇقى ئاپتۇنۇم رايۇنلۇق مۇزىينى زىيارەت قىلىپ كىلىش ئىدى، ئۇ ئىككى ھەدىسى ۋە تاغىلىرىنىڭ ھەمراھلىقىدا مۇزىيغا بېرىپ، قەدىمكى يادىكارلىقلارنى كۆردى، قەدىمكى تۇرمۇش ئۇسۇلى ئەكىس ئەتتۈرۈلگەن موم ھەيكەللەرنى كۆرۈپ راستدەكلا ھېس قىلىپ قالدى. «قىز بالا تۇغۇلىشىدىنلا گۈزەللىكىنى سۆيىدۇ» دىگەن گەپنىڭ راستلىقىنى سەككىز ياشلىق سۈمەييە يەنە بىر قېتىم ئىسپاتلىدى. تىزىپ قۇيۇلغان قەدىمكى زىبۇ -زىننەت بۇيۇملىرى ۋە كىيىم-كىچەكلەر ئۇنى بەكلا جەلپ قىلدى، ئۇ يەنە كىرورەن گۈزىلىگىمۇ بىرھازا سەپسىلىپ قاراپ كەتتى. بۇ قېتىملىق مۇزىي زىيارىتى ئۇنى شىنجاڭنىڭ تارىخي توغرىسىدا يېڭى بىر بىلىمگە ئىگە قىلدى.
 بۇ يىل يازلىق تەتىل نەفىسە ئۈچۈن ئۇنتۇلغۇسىز بىر يازلىق تەتىل بولدى. چۈنكى ئۇ ئاپىسى ۋە ھاممىسنىڭ ھەمراھلىقىدا شاڭخەيدىكى «دىسنىي باغچىسى»نى كۆرگىلى باردى. ئايرۇپىلانغا ئولتۇرۇشتىن ئىلگىرى ئۇ خېلىلا جددىيلەشتى، «دىسنىي» باغچىسىغا بارغاندىن كىيىن، ئۆزىنى خۇددىي چۆچەكلەرنىڭ ئىچىگە كىرىپ قالغاندەك ھېس قىلدى، باغچىدىكى گۈزەل مەنزىرىلەرنى تاماشا قىلدى، قايتىپ كەلگەندىن كىيىنمۇ ئۇنىڭ ھاياجىنى بېسىلمىدى.
 سەككىز ياشقا كىرگەن گۈلنارەنىڭ بۇيىلقى يازلىق تەتىلى بەش يېرىم ياشلىق ئۇكىسى بىلەن ئۆيدە دىگۈدەك ئۆتتى، ئۇ ئۆتكەن يىلدىكىدىن خېلىلا ئىش ئۇقۇپ قالغانىدى. ئاپىسى ئىشقا كەتكەندە ئۇكىسىغا ئەتىگەنلىك چاي بېرىش، ئورۇن-كۆرپىلەرنى يىغىپ، ئۆينىڭ ھاۋاسىنى ئالماشتۇرۇشتىن تارتىپ، چاينىڭ قاچىلىرىنى يۇيۇشقىچە بولغان ئىشىلارغا گۈلنارەنىڭ خېلى قۇلى كۆنۈپ قالدى. بىر كۈنى گۈلنارە، ئاپسى ئۇكىسى ئۈچى بىرلىكتە تۈگرە تۈگدى. جىلتىسىنى گۈلنارە ئاچتى، شەكلى ئانچە چىرايلىق بولمىسىمۇ، بۇ قېتىمقى تۈگرە ئۇلارغا بەكلا تېتىپ كەتتى.
تەتىلنىڭ 1-ئېيىنى مەھەللىدىكى بالىلار بىلەن توپ تىپىپ ئۆتكۈزگەن كەۋسەرنى ئاپىسى تەتىلنىڭ 2-ئېيى باشلىنىشى بىلەنلا ئىنگىلىز تىلى كۇرسىغا تىزىملىتىپ قويدى. ئۇنىڭ ئەسلىدىمۇ تەتىللىك يېزىقچە تاپشۇرۇقى بارئىدى، ھازىر ئۇ بىر تەرەپتىن ئىنگىلىزچە كۇرۇستا ئوقۇپ، بىر تەرەپتىن تەتىللىك تاپشۇرۇقىنى ئاپىسىنىڭ ھەيدەكچىلىكىدە «جان تىكىپ» ئىشلەۋاتىدۇ. ئاپىسىنىڭ بەزىدە ئۇنىڭغا ئىچى ئاغرىپمۇ قالىدۇ. شۇڭا ئۇ مۇخبىرغا ئوقۇتقۇچىلارنىڭ تەتىلدە يازما تاپشۇرۇقتىن بەكرەك ھەر ئائىلىنىڭ ئائىلە ئەھۋالىغا ماس كىلىدىغان،خىلمۇ-خىل مەزمۇندىكى ئەمىلىيەتچانلىقى كۈچلۈك تاپشۇرۇقلارنى بېرىشىنى ئۈمىد قىلىدىغانلىقىنى ئېيتتى.
يۇقىرىدا بىر قانچە باشلانغۇچ مەكتەپ ئوقۇغۇچىسنىڭ ئاتا-ئانىسىنىڭ ھەمراھلىقىدا يازلىق تەتىلنى قانداق ئۆتكۈزگەنلىكىنى بايان قىلىپ ئۆتتۇق. ئۇلارنىڭ يازلىق تەتىلى ئوخشىمىغان ئۇسۇلدا ئۆتكەن بولسىمۇ، بۇنىڭدىن بالىلارنىڭ تەتىللىك ھاياتىنىڭ ئوخشىمىغان مەنىلەرگە ئىگە بولغانلىقىنى كۆرۈۋالالايمىز.  ئاتا-ئانا بولغۇچىلارنىڭ ئاخىرقى مەقسىتى بالىلىرىمىزنى ياخشى تەربىيلەش، ياخشى تەربىيلەشنىڭ ئۇسۇللىرى ئوخشىمىغان بىلەن مەقسىتى ئوخشاش، تەتىلدە بالىلىرىمىزنى ئۆز شارائىتىمىز يار بەرگەن ئەھۋال ئاستىدا ئىجتىمائىي ئەمىلىيەتكە كۆپرەك قاتناشتۇرۇپ، نەزەر دائىرىسىنى كىڭەيتىشنى مەقسەت قىلساق، ئۇلارنىڭ تۇرمۇشىنى تېخىمۇ رەڭدارلىققا ئىگە قىلالايمىز.
 

[an error occurred while processing this directive]
[an error occurred while processing this directive]
[an error occurred while processing this directive]
نادىر ناخشا – مۇزىكىلار
تور بېتىمىزدىكى يېڭىلىقلار
رادىيو دىراممىسى
بۇ بەتنىڭ نەشىر ھوقۇقى شىنجاڭ خەلق رادىيو ئىستانسىسىغا تەۋە
ئالاقىلىشىش نومۇرى: 2571553، 2578492
ئادرىسىمىز: ئۈرۈمچى شەھىرى ئىتتىپاق يولى 830- نومۇر شىنجاڭ خەلق رادىيو ئسىتانسىسى تور مەركىزى