قىزىق نوقتا خەۋەرلىرى

نېمە قىلسىڭىز قىلىڭ، ئاچچىقلانماڭ

2017-09-06 19:15:19     مەنبەسى: شىنجاڭ خەلق رادىيو ئىستانسىسى   
ئاچچىقلىنىشنىڭ كۈندىلىك تۇرمۇشىمىزدا پات-پات يۈز بېرىپ تۇرۇشى ئەجەپلىنەرلىك ئىش ئەمەس،لېكىن تۇرمۇش دائىرىمىزدىن ئېلىپ ئېيتقاندا ،جەمئىيەتتە ياكى ئائىلىدە بولسۇن،باشقىلار ياكى ئۆزىڭىز بولۇڭ  ئاچچىق ياخشى نەتىجە ئېلىپ كەلمەيدۇ. بەزى ھاللاردا ئېغىر ئاقىۋەتلەرنى كەلتۈرۈپ چىقىرىپ ، شەخىسلەرنىڭ ئالغا بېسىشى ،ئائىلىنىڭ مۇقىملىقى ۋە جەمئىيەتنىڭ ئىناقلىقىغا تەسىر يەتكۈزىدۇ.
ئادەتتە كۆكتات سېتىۋالغاندا ،ئاپتۇبۇسقا ئولتۇرغاندا ،سەيلە قىلغاندا ،ئىشقا ماڭغاندا ...دائىم «ئەجەپ ئاچچىقىمنى كەلتۈردى»دىگەن گەپلەر قۇلىقىمىزغا كىرىپ قالىدۇ. نۇرغۇنلىغان سىتاتىستىكىلىق ماتېرىياللاردىن ئايان بولۇشىچە، ئاچچىقلىنىشنىڭ سالامەتلىككە زىيىنى بولسا باركى ،پايدىسى يوق. جوڭيى تىبابىتىدە ئادەم ئاچچىقلانسا جىگەر ئىقتىدارىنىڭ نورمال ئىشلىشىگە تەسىر يېتىدۇ دەپ قارىلىدۇ. جىگەرنىڭ ئادەمنىڭ روھىي پائالىيىتى بىلەن بىۋاستە مۇناسىۋىتى بار.
كىشىلىك ئالاقە جەريانىدا بەزىدە ئاچچىقلىنىشتىن خالىي بولالمايمىز،لېكىن ئاچچىقلىنىشنىڭ مەسىلىنى ھەل قىلىشنىڭ ئۈنۈملۈك ئۇسۇلى ئەمەسلىكىنى چوقۇم چۈشىنىشىمىز كېرەك.«ئۆزىگە ھاي بېرىش،ئۆزىنى باشقىلارنىڭ ئورنىغا قويۇپ ئويلاش»، يوللۇق ئىش قىلىش، ئىشلارغا قارشى تەرەپنىڭ نەزەرى بويىچىمۇ قاراپ بېقىش ئاچچىقنى كونترول قىلىشنىڭ مۇھىم ئۇسۇللىرىنىڭ بىرى.
بۇرۇن بىر دانىشمەن بولغان ئىكەن، ئۇ ئاچچىقى كەلسىلا دەرھال ئۆيىگە كىرىپ كېتىدىكەن، ئارقىدىن ئۆزىنىڭ ئۆيى ۋە ئېتىزلىقنى ئايلىنىپ تەر چىققۇچە يۈگرەيدىكەن. كېيىنچە ئۇنىڭ ئۆيى بارغانسېرى چوڭىيىپ ، يەرلىرىمۇ بارغانسېرى كۆپىيىپ كېتىپتۇ. كېيىكى كۈنلەردىمۇ ئۇ ئاچچىقى كەلگەن ھامان يەنە ئۆيى ۋە ئېتىزلىقلىرىنى ئايلىنىپ يۈگرەۋېرىپتۇ، نەۋرىسى: «بوۋا ،ئاچچىقىڭىز كەلسىلا ئۆي بىلەن ئېتىزلىقلارنى ئايلىنىپ يۈگرەيسىز، بۇنىڭدا نىمە مەخپىيەتلىك بار؟»دەپ سوراپتۇ. دانىشمەن نەۋرىسىگە: «ياش ۋاقتىمدا باشقىلار بىلەن تاكاللىشىپ، مۇنازىرىلىشىپ،ئاچچىقىم كەلگەندە ئۆزۈمنىڭ ئۆي ۋە ئېتىزلىقلىرىمنى ئايلىنىپ چىقاتتىم، مەن بىر تەرەپتىن يۈگۈرگەچ بىر تەرەپتىن « تېخىمۇ كۆپ ئىشلەپ ئۆيۈم بىلەن يېرىمنى چوڭايتىمەن، باشقىلار بىلەن تاكاللىشىشقا ۋاقتىم يوق» دىگەنلەرنى ئويلايتتىم، ئويلاپ مۇشۇ يەرگە كەلگەندە ئاچچىقىممۇ يېنىپ قالاتتى، تېخىمۇ كۆپ ۋاقىت ۋە كۈچۈمنى خىزمەت ۋە ئۆگىنىشكە قارىتتاتتىم»دەپ جاۋاپ بېرىپتۇ. نەۋرىسى: «بوۋا،سىز باي بولغاندىن كېيىنمۇ نىمىشقا يەنە ئۆيىڭىز ۋە ئېتىزلىقنى ئايلىنىپ يۈگرەيسىز؟»دەپ سوراپتۇ. دانىشمەن كۈلۈمسىرىگەن ھالدا: «بىر تەرەپتىن يۈگۈرۈپ ، بىر تەرەپتىن شارائىتىم شۇنداق ياخشى تۇرسا، مۇشۇ ياخشى شارائىتلىرىمدىن ھوزۇر ئالماي نىمىدەپ باشقىلار بىلەن تاكاللىشىمەن؟ دىگەنلەرنى ئويلايمەن، ئويلاپ مۇشۇ يەرگە كەلگەندە ئاچچىقىممۇ يېنىپ قالىدۇ»دەپتۇ.
كۆڭلى-كۆكسىڭىزنى كەڭ تۇتۇڭ، سىز دۇنياغا ئاچچىقلىنىش ئۈچۈن ئەمەس بەلكى گۈزەل ھاياتتىن ھوزۇر ئېلىش ئۈچۈن كەلگەن.
[an error occurred while processing this directive]
[an error occurred while processing this directive]
[an error occurred while processing this directive]
نادىر ناخشا – مۇزىكىلار
تور بېتىمىزدىكى يېڭىلىقلار
رادىيو دىراممىسى
بۇ بەتنىڭ نەشىر ھوقۇقى شىنجاڭ خەلق رادىيو ئىستانسىسىغا تەۋە
ئالاقىلىشىش نومۇرى: 2571553، 2578492
ئادرىسىمىز: ئۈرۈمچى شەھىرى ئىتتىپاق يولى 830- نومۇر شىنجاڭ خەلق رادىيو ئسىتانسىسى تور مەركىزى