قىزىق نوقتا خەۋەرلىرى

تېررورلۇققا قارشى تۇرۇش، مۇقىملىقنى قوغداش «بىرىكمە مۇشت»ىنى ياخشى ئېتىپ، ئىتتىپاقلىق، مۇقىملىقنى قوغدىغۇچىلاردىن بولىمەن

2017-09-13 18:47:19     مەنبەسى: شىنجاڭ خەلق رادىيو ئىستانسىسى   

تۇرپان شەھىرى ئىدىقۇت رايونلۇق پارتكومنىڭ مۇئاۋىن شۇجىسى، رايون باشلىقى پەتتار غوجىئەخمەت

 
  جۇڭگو كوممۇنىستىك پارتىيەسى ۋە ئۇلۇغ ۋەتىنىمىز بولمىغان بولسا، شىنجاڭنىڭ ئىناقلىقى، مۇقىملىقى ۋە گۈللەپ تەرەققىي قىلىشى، شۇنداقلا شىنجاڭدىكى ھەر مىللەت قېرىنداشلارنىڭ بەختلىك، ئازادە ۋە خاتىرجەم ياشايدىغان تۇرمۇشى بولمىغان بولاتتى. يېڭى ۋەزىيەتتە، پارتىيە مەركىزىي كومىتېتى شىنجاڭ خىزمىتىنى مىسلى كۆرۈلمىگەن يۈكسەكلىككە كۆتۈردى. مەن پارتىيە تەشكىلى كۆپ يىل تەربىيەلىگەن پارتىيەلىك رەھبىرىي كادىر، يەرلىك شىنجاڭلىق ئۇيغۇر ياش بولۇش سۈپىتىم بىلەن، سىياسىي مەسئۇلىيەتچانلىق ۋە تارىخىي بۇرچ تۇيغۇمنى ھەقىقىي كۈچەيتىپ، ئاپتونوم رايونلۇق پارتكوم بېكىتكەن تېررورلۇققا قارشى تۇرۇش، مۇقىملىقنى قوغداش «بىرىكمە مۇشت»ىنى قەتئىي ياخشى ئېتىپ، ئىجتىمائىي مۇقىملىق ۋە ئەبەدىي ئەمىنلىكنى ئىشقا ئاشۇرۇشنىڭ قەتئىي قوغدىغۇچىلىرىدىن بولۇشقا قەسەم قىلىمەن.
  بىرىنچىدىن، غايە- ئېتىقادىمنى چىڭىتىمەن. مەن يولداش شى جىنپىڭ يادرولۇقىدىكى پارتىيە مەركىزىي كومىتېتىنىڭ دۆلەتنى ئىدارە قىلىش، ھاكىمىيەت يۈرگۈزۈش يېڭى قارىشى، يېڭى ئىدىيەسى، يېڭى ئىستراتېگىيەسى ۋە شىنجاڭنى ئىدارە قىلىش تەدبىرىنى ئىزچىل باش مىزان قىلىپ، شىنجاڭ خىزمىتىنىڭ پارتىيە ۋە دۆلەت خىزمىتى ئومۇمىيىتىدىكى ئالاھىدە مۇھىم ئىستراتېگىيەلىك ئورنىنى چوڭقۇر تونۇپ يېتىپ، ئاپتونوم رايونلۇق 9- قېتىملىق پارتىيە قۇرۇلتىيى ۋە ئاپتونوم رايونلۇق 9- نۆۋەتلىك پارتىيە كومىتېتى 2- ئومۇمىي (كېڭەيتىلگەن) يىغىنىنىڭ روھىنى چوڭقۇر ئىزچىللاشتۇرۇپ ۋە ئەمەلىيلەشتۈرۈپ، ئىجتىمائىي مۇقىملىق ۋە ئەبەدىي ئەمىنلىك باش نىشانىنى زىچ چۆرىدەپ، غايە- ئېتىقادىمنى چىڭىتىپ، سىياسىي قائىدىگە قاتتىق ئەمەل قىلىپ، ۋەتەننىڭ بىرلىكىنى قوغداش، ئىجتىمائىي مۇقىملىقنى ئىلگىرى سۈرۈش، مىللەتلەر ئىتتىپاقلىقىنى كۈچەيتىش، پۇقرالارنىڭ خاتىرجەم ياشىشىنى كاپالەتلەندۈرۈش ئومۇمىي يۈكسەكلىكىدە ئىزچىل چىڭ تۇرۇپ، ماركسىزمغا بولغان ئېتىقاد، جۇڭگوچە سوتسىيالىزمغا بولغان ئېتىقاد، پارتىيە ۋە خەلققە بولغان مۇتلەق سادىقلىقنى چىڭىتىپ، ئىدىيە ۋە ھەرىكىتىمنى يولداش شى جىنپىڭ يادرولۇقىدىكى پارتىيە مەركىزىي كومىتېتىنىڭ شىنجاڭنى ئىدارە قىلىش تەدبىرى ئاساسىدا ھەقىقىي بىرلىككە كەلتۈرۈپ، باشتىن- ئاخىر ئېتىقادتا تەۋرەنمەيمەن، مەيدانىمنى ئۆزگەرتمەيمەن، يۆنىلىشتە قېيىپ كەتمەيمەن.
  ئىككىنچىدىن، ئىجتىمائىي مۇقىملىقنى قەتئىي قوغدايمەن. مەن شىنجاڭنىڭ بۆلگۈنچىلىككە قارشى تۇرۇش كۈرىشىنىڭ ئۇزاق مۇددەتلىكى، مۇرەككەپلىكى، كەسكىنلىكىنى، شىنجاڭنىڭ تېررورلۇققا قارشى تۇرۇشنىڭ ئالدىنقى سەپ بازىسى ۋە ئاساسىي جەڭگاھى ئىكەنلىكىنى، شىنجاڭنىڭ ھازىرقى ۋەزىيىتىنىڭ ئاساسىي ئەھۋالىنى چوڭقۇر تونۇپ يېتىپ، بۆلگۈنچىلىككە قارشى تۇرۇشتىن ئىبارەت بۇ كەسكىن جەڭدە ھەر چاغ ۋە ھەر جايدا، ئاشكارا ياكى خۇسۇسىي سورۇنلاردا، سىياسىي مەسئۇلىيىتىمنى كۈچەيتىپ، مەسىلە يۆنىلىشىدە چىڭ تۇرۇپ، تۆۋەن چەك تەپەككۇرىنى مۇستەھكەم تۇرغۇزۇپ، باشلامچىلىق بىلەن دادىل ئوتتۇرىغا چىقىپ، پاش قىلىپ ۋە تەنقىد قىلىپ، زەربە بېرىپ، بىخودلۇق، بوشاڭلىق، قارىغۇلارچە ئۈمىدۋار بولۇش ئىدىيەسىدىن ھەقىقىي ساقلىنىپ ۋە ئۇنى يېڭىپ، تەۋرەنمەي، بوشاڭلىق قىلماي، ئىككىلەنمەي، يۆلىنىۋالماي، جەزمەن غەلىبە قىلىش ئىشەنچىنى چىڭىتىپ، يول ئېچىپ، قاتتىق زەربە بېرىپ، ھەرگىز يۇمشاق قوللۇق قىلماي، بىرنى بايقىغان ھامان، بىرنى بىر تەرەپ قىلىپ، قاتتىق زەربە بېرىپ، دەل جايىدا زەربە بېرىپ، ھەيۋە كۆرسىتىپ، ئادەتتىن تاشقىرى كۈچلۈك تەدبىر، ئادەتتىن تاشقىرى ۋاسىتە ئارقىلىق، ئاپتونوم رايونلۇق پارتكوم ئورۇنلاشتۇرغان تېررورلۇققا قارشى تۇرۇش، مۇقىملىقنى قوغداش «بىرىكمە مۇشت»ىنى قەتئىي ياخشى ئېتىپ، شىنجاڭنىڭ ئىتتىپاق، مۇقىم بولغان چوڭ ياخشى ۋەزىيىتىنى ۋە ئاسان قولغا كەلمىگەن بەختلىك تۇرمۇشنى قەتئىي قوغداپ، ئەمەلىي ھەرىكىتىم بىلەن ۋەتەننىڭ بىرلىكى، مىللەتلەر ئىتتىپاقلىقى ۋە ئىجتىمائىي مۇقىملىقنى قوغداپ، باش نىشاننى ئەمەلىيلەشتۈرىمەن.
  ئۈچىنچىدىن، مۇتلەق سادىق بولۇشتەك سىياسىي خىسلىتىمدە چىڭ تۇرىمەن. مەن چوقۇم «تۆت ئاڭ»نى مۇستەھكەم تۇرغۇزۇپ، سىياسىي جەھەتتە ئاقىل ئادەم بولۇپ، ئۆزۈم ئۈلگە كۆرسىتىپ، باشلامچىلىق بىلەن يېتەكچىلىك قىلىپ، پارتىيە مەركىزىي كومىتېتىنىڭ قارارىغا قەتئىي ئاۋاز قوشىمەن، پارتىيە مەركىزىي كومىتېتىنىڭ قارارىنى قەتئىي ئىجرا قىلىمەن، پارتىيە مەركىزىي كومىتېتى چەكلىگەننى قەتئىي قىلمايمەن؛ ھەر قانداق ئەھۋالدا «ئۈچ خىل كۈچ»كە قارشى قەتئىي كۈرەش قىلىپ، قەتئىي يۇمىلاق تاۋۇز بولمايمەن، ئىككىلەنمەيمەن، قەتئىي ئاغزىمدا بىر خىل، ئەمەلدە بىر خىل ئىش قىلمايمەن، باشتىن- ئاخىر سۆز- ھەرىكەتتە، ئىچى- تېشىمدا بىردەك بولۇپ، «ئىككى يۈزلىمىچى»لەر ۋە «ئىككى يۈزلىمىچىلىك»نى قەتئىي تەكشۈرۈپ بىر تەرەپ قىلىپ، پارتىيە ۋە خەلققە ھەرگىز ئالا كۆڭۈللۈك قىلماي، شەخسىي غەرەزدە بولماي، ھەق يولدىن قايتماي، پارتىيەگە ئەگىشىپ ماڭىمەن.
  تۆتىنچىدىن، ھەر مىللەت خەلقنىڭ ئورتاق گۈللىنىپ تەرەققىي قىلىشىدا چىڭ تۇرىمەن. مەن چوقۇم پارتىيە مەركىزىي كومىتېتىنىڭ شىنجاڭ خىزمىتى توغرىسىدىكى مۇھىم سىياسەت- فاڭجېنلىرىنى قەتئىي ئىزچىللاشتۇرۇپ، باش نىشاننى زىچ چۆرىدەپ، «ئۈچ ئايرىلالماسلىق» ئىدىيەسىنى پۇختا تۇرغۇزۇپ، شىنجاڭنى ئىدارە قىلىش سىستېمىسى ۋە ئىدارە قىلىش ئىقتىدارىنى زامانىۋىلاشتۇرۇشنى ئىلگىرى سۈرۈشنى يېتەكچى قىلىپ، ئىقتىسادىي تەرەققىيات ۋە خەلق تۇرمۇشىنى ياخشىلاشنى ئاساس، ۋەتەننىڭ بىرلىكىنى قوغداش، مىللەتلەر ئىتتىپاقلىقىنى ئىلگىرى سۈرۈش، دىنىي ئەسەبىي ئىدىيەنىڭ يامراپ كېتىشىنى توسۇشنى مۇھىم نۇقتا قىلىپ، تۈرلۈك خىزمەتلەرنىڭ يېڭى بىر بالداق كۆتۈرۈلۈشى، يېڭى سەۋىيەگە يېتىشىنى ئىلگىرى سۈرىمەن؛ باشتىن- ئاخىر مەسىلە يۆنىلىشىدە چىڭ تۇرۇپ، مەسىلىلەرنى ھەل قىلىشتىكى مەسئۇلىيىتىمنى كۈچەيتىپ، مەسىلىلەرنى ھەل قىلىش ئارقىلىق خىزمەتلەرنى ئىلگىرى سۈرۈپ، تەشەببۇسكارلىقنى ئىگىلەپ، ئۇنىۋېرسال تەدبىر قوللىنىپ، ئىشنى پۇختا قىلىپ، ئۇزاققىچە بوشاشماي، چوڭقۇر قاتلاملىق زىددىيەت ۋە مەسىلىلەرنى بىر- بىرىگە باغلاپ ھەل قىلىپ، ئاممىنىڭ بەخت تۇيغۇسى، ئېرىشىش تۇيغۇسىنى ئۇدا ئاشۇرۇپ، ھەر مىللەت ئاممىغا پارتىيەنىڭ غەمخورلۇقى ۋە ۋەتەن چوڭ ئائىلىسىنىڭ ئىللىقلىقىنى ھېس قىلدۇرىمەن، ئاممىنى پارتىيەگە چىن كۆڭلىدىن مىننەتدارلىق بىلدۈرۈپ، پارتىيەنىڭ گېپىنى ئاڭلاپ، پارتىيەگە ئەگىشىپ مېڭىشقا يېتەكلەيمەن.

مەنبە: شىنجاڭ گېزىتى

[an error occurred while processing this directive]
[an error occurred while processing this directive]
[an error occurred while processing this directive]
نادىر ناخشا – مۇزىكىلار
تور بېتىمىزدىكى يېڭىلىقلار
رادىيو دىراممىسى
بۇ بەتنىڭ نەشىر ھوقۇقى شىنجاڭ خەلق رادىيو ئىستانسىسىغا تەۋە
ئالاقىلىشىش نومۇرى: 2571553، 2578492
ئادرىسىمىز: ئۈرۈمچى شەھىرى ئىتتىپاق يولى 830- نومۇر شىنجاڭ خەلق رادىيو ئسىتانسىسى تور مەركىزى