قىزىق نوقتا خەۋەرلىرى

    100سېلسىيە گىرادۇسلۇق ھايات

2017-12-27 13:43:09     مەنبەسى: شىنجاڭ خەلق رادىيو ئىستانسىسى   

ئوقۇغۇچىلار ئوقۇش پۈتتۈرۈشكە ئاز قالدى. ئەڭ ئاخىرقى بىر سائەتلىك دەرستە پروفېسسور ئۇلارنى تەجرىبىخانىغا باشلاپ باردى. چاچلىرى ئاقارغان پروفېسسور ئۇلارغا تەكشى بىر قارىۋەتكەندىن كېيىن: «بۇ مېنىڭ ئەڭ ئاخىرقى بىر سائەتلىك دەرسىم، بۇ سائەتتىكى تەجرىبە تولىمۇ ئاددىي، شۇنداقلا تولىمۇ سىرلىق. سىلەرنىڭ بۇ دەرسنى ئۆمۈرۋايەت ئېسىڭلاردا تۇتۇشۇڭلارنى ئۈمىد قىلىمەن، چۈنكى، بۇ سىلەرنىڭ كېيىنكى ھاياتىڭلار ئۈچۈن ئىنتايىن پايدىلىق»دېدى. پروفېسسور گېپىنى تۈگىتىپ، بىر ئەينەك پروبىركىنى قولىغا ئالدى-دە، ئىچىگە سۈزۈك سۇ قۇيدى، ئاندىن ئوقۇغۇچىلارغا كۆرسىتىپ تۇرۇپ: «بۇ نورمال ھالەتتىكى سۇ، ئەگەر ئۇنى ئېرىققا تۆكسەك، ئۇ ئېقىپ بېرىپ دەرياغا قوشۇلۇشى، ئاندىن دېڭىزغا قويۇلۇشى مۇمكىن»دېدى. پروفېسسور سۇ قۇيۇلغان پروبېركىنى يېنىدىكى توڭلىتىش ساندۇقىغا سېلىۋېتىپ: «بىز ھازىر ئۇنى توڭلىتايلى»دېدى. پروفېسسور بىردەمدىن كېيىن پروبىركىنى ئالدى، پروبىركىدىكى سۇ سۈزۈك ھەم قاتتىق مۇزغا ئايلانغانىدى. «نۆلدىن تۆۋەن تېمپراتۇرىدا بۇ سۇ مۇز تۇتتى، مۇز سۇنىڭ يەنە بىرخىل ھالىتى، بىراق سۇ مۇزغا ئايلانغاندىن كېيىن ئاقالمايدۇ، خۇددى قۇتۇپتىكى مۇزلاردەك. ئۇ مۇزلار نەچچە مىڭ يىللاردىن بۇيان ئۇ يەردە تۇرىۋاتىدۇ، دەريا-دېڭىزلارغا ئېقىپ بېرىش تۈگۈل، نەچچە كېلومېتىر ئارىلىققىمۇ بارالمايدۇ. ئۇلار تۇرىۋاتقان مۇزلۇق چوققىلارنى ئۇلارنىڭ پۈتكۈل دۇنياسى دېيىشكىمۇ بولىدۇ. بۇ خىلدىكى سۇلارنىڭ تەقدىرى كىشنى ئېچىندۇرىدۇ.»دېدى پروفېسسور. «ھازىر بىز سۇنىڭ ئۈچىنچى خىل ھالتىنى كۆرۈپ باقايلى»، پروفېسسور بىر تەرەپتىن سۆزلىگەچ يەنە بىر تەرەپتىن مۇز بار پروبىركىنى ئوت يېقىلغان ئىسپىرىت لامپىنىڭ ئۈستىگە قويدى. بىر ئازدىن كېيىن مۇز ئاستا-ئاستا ئېرىدى، ئاندىن كېيىن ۋاراقلاپ قايناشقا باشلىدى، سۇ ھورى تېپتىنىچ تەجىربىخانا ئىچىگە تارقىلىشقا باشلىدى، بىردەمدىن كېيىن سۇ پارغا ئايلىنىپ تۈگىدى. پروفېسسور ئىسپىرىت لامپىنى ئۆچۈرىۋېتىپ كۆپچىلىكتىن سورىدى: «دەپ بېقىڭلارچۇ، سۇ نەگە كەتتى؟» ھەممەيلەن پروفېسسورغا جىمجىت تىكىلىپ ئولتۇرۇشاتتى. ھەممەيلەننىڭ كاللىسىدا ئوخشاش بىر سوئال ھۆكۈم سۈرەتتى: ئوقۇش پۈتتۈرۈش ئالدىدىكى ئاخىرقى سائەتلىك دەرستە شۇنچە بىلىملىك پروفېسسور نېمىشقا ھەممە ئادەم بىلىدىغان بۇنداق ئاددىي تەجىرىبىنى ئىشلەپ ئولتۇرىدىغاندۇ؟ بۇنى تولۇقسىزدا، ياق باشلانغۇچتىكى چاغدىلا ئىشلەپ بولغان تەجرىبىتىغۇ؟ بۇ تەجرىبە ئاددىي بولغانلىقى ئۈچۈنلا ھېچكىمنىڭ ھەممە بىلىدىغان بۇ سوئالغا جاۋاپ بەرگۈسى كەلمىگەندەك قىلاتتى. پروفېسسور ئوقۇغۇچىلارغا قاراپ: «سۇ نەگە كەتتى؟ئۇلار پارغا ئايلىنىپ ھاۋا بوشلۇقىغا، ئاشۇ كۆپكۆك، بىپايان ئاسمانغا چىقىپ كەتتى». پروفېسسور بىر تىنىۋالغاندىن كېيىن سۆزىنى داۋاملاشتۇردى: «سىلەرگە بەلكىم بۇ تەجىرىبە بەك ئاددىي، مەنىسىز تۇيۇلغان بولۇشى مۇمكىن،لېكىن...»، پروفېسسور تۇيۇقسىزلا تەلەپپۇزىنى ئۆزگەرتتى، ئۇ قاتتىق قىلىپ: «بۇ ھەرگىز بىر ئاددىي تەجىرىبە ئەمەس!»دېدى. ئۇ كۆزلىرىدىن ھەيرانلىق چىقىپ تۇرغان ئوقۇغۇچىلارغا قاراپ:«سۇنىڭ ئۈچ خىل ھالىتى بار، كىشىلىك تۇرمۇشنىڭمۇ ئۈچ خىل ھالىتى بار، سۇنىڭ ھالىتىنى تېمپراتۇرا بەلگىلەيدۇ، كىشىلىك تۇرمۇشنىڭ ھالىتىنى ئۆز قەلبىمىزنىڭ تېمپراتۇرىسى بەلگىلەيدۇ. ئەگەر ئادەمنىڭ تۇرمۇش ۋە ھاياتقا نىسبەتەن مۇئامىلىسى 0 سېلسىيە گىرادۇستىن تۆۋەن بولسا، ئۇ ھالدا ئۇنىڭ تۇرمۇش ھالىتى مۇزغا ئۆزگىرىدۇ، ئۇنىڭ پۈتكۈل تۇرمۇشى تاپىنى ئاستىدىكى ئاشۇ بىر نەچچە غېرىچ يەردە ئۆتۈپ كېتىدۇ. ئەگەر بىر ئادەم تۇرمۇش ۋە ھاياتقا نىسبەتەن نورمال مۇئامىلىدە بولسا، ئۇ پەقەت ئادەتتىكى بىر ئوچۇم سۇ بولۇپ دەرياغا، دېڭىزغا قوشۇلۇپ كېتىدۇ، لېكىن ئۇ مەڭگۈ زىمىندىن ئايرىلالمايدۇ. مۇبادا، بىر ئادەم تۇرمۇش ۋە ھاياتقا 100سېلىتسىيە گىرادۇسلۇق مۇئامىلىدە بولسا، ئۇ ھالدا ئۇ پارغا، بۇلۇتقا ئايلىنىپ پەرۋاز قىلالايدۇ، دېمەك، ئۇنىڭ دۇنياسى كائىناتتەك چەكسىز بولىدۇ». پروفېسسور ئوقۇغۇچىلىرىغا كۈلۈمسىرەپ تۇرۇپ: «سىلەر بۇ ئەڭ ئاددىي تەجرىبىنى چۈشەندىڭلارمۇ؟»دەپ سورىدى. «ياق، بۇ ھەرگىز ئاددىي تەجرىبە دەرسى ئەمەسكەن!» دەپ چۇقىراشتى ئوقۇغۇچىلار. «سىلەرنىڭ تۇرمۇش ۋە ھاياتقا 100سېلىتسىيە گىرادۇسلۇق پوزىتسىيەدە بولۇشۇڭلارنى ئۈمىد قىلىمەن، شۇنداق بولغاندا سىلەرنىڭ دۇنيارىڭلار ئەڭ چوڭ بولىدۇ، مانا بۇ مېنىڭ بۇ سائەتلىك تەجرىبە دەرسىمنىڭ يەكۈنى»پروفېسسور كۈلۈمسىرەپ تۇرۇپ سۆزىنى ئاخىرلاشتۇردى. دەرسخانىدا گۈلدۈرمامىدەك ئالقىش سادالىرى ياڭرىدى، ئوقۇغۇچىلار بۇ بىر سائەتلىك دەرسنى ئېسىدە چىڭ ساقلىۋالدى. چۈنكى، ئۇلار بۇ دەرس ئارقىلىق قەلبنىڭ تېمپىراتۇرىسىنىڭ ئادەمنىڭ كىشىلىك تۇرمۇشىنى بەلگىلەيدىغانلىقىدىن ئىبارەت چوڭقۇر ھەقىقەتنى بىلىۋالغانىدى.

[an error occurred while processing this directive]
[an error occurred while processing this directive]
[an error occurred while processing this directive]
نادىر ناخشا – مۇزىكىلار
تور بېتىمىزدىكى يېڭىلىقلار
2018-يىلى 1-ئاي
2018-يىلى 2-ئاي
2017-يىلى 11-ئاي
2017-يىلى 12-ئاي
2018-يىلى 3-ئاي
رادىيو دىراممىسى
بۇ بەتنىڭ نەشىر ھوقۇقى شىنجاڭ خەلق رادىيو ئىستانسىسىغا تەۋە
ئالاقىلىشىش نومۇرى: 2571553، 2578492
ئادرىسىمىز: ئۈرۈمچى شەھىرى ئىتتىپاق يولى 830- نومۇر شىنجاڭ خەلق رادىيو ئسىتانسىسى تور مەركىزى