قىزىق نوقتا خەۋەرلىرى

 ئېھتىياج ئاچىلىدا....

2018-01-02 20:19:18     مەنبەسى: شىنجاڭ خەلق رادىيو ئىستانسىسى   

 <روزىمۇھەممەت تۇردى--ھاياتلىق-2017-2-سان>

 
  ئەقلىمنى بىلسەم ئائىلىمىزنىڭ 3- پەرزەنتى ئىكەنمەن. شۇ چاغدىكى تۇرمۇش سەۋىيەسى ھەممە ئائىلىنىڭ چۆپچىل بولغاچقا، ئاكامنىڭ كىچىك كەلگەن كىيىملىرىنى مەن كىيەتتىم. قورسىقىم ئاچ قالمىغىنى بىلەن ئاغىنىلىرىمدەك پۇل خەجلەپ تۇرۇشقا قۇربىم يەتمەيتتى، تەڭتۇشلىرىم يىغىلىپ بىر يەرلەرگە بارغاندا يەنە شۇ پۇل سەۋەپلىك بارماسلىقنى تاللىماي چارەم يوق ئىدى. ئەمما شۇ ئىشلار ئېلىپ كەلگەن كۆڭۈل پەرىشانلىقىمغا كىتاپ دىلداش ۋە مۇڭداش بولاتتى، نۇرغۇن ئىشلارغا ئۆزۈم تەر ئاققۇزمىسام بىر باشقا چىقمايتتى. شۇنچىلىك جاپا تارتىپ ئاران دېگەندە ۋېلىسپىت مىنىشنى ئۆگەنگەن بولساممۇ تاكى تولۇق ئوتتۇرا مەكتەپكە بارغۇچە بىرەر ۋېلىسپىتكە ئىگە بولالمىدىم. ئالىي مەكتەپكە چىققاندا ئەقلىمنى تاپقان بولسام كېرەك، ماددىي نەرسىلەرنى ئىلگىرىكىدەك قوغلىشىپ كەتمەيدىغان بولدۇم. گەرچە ئۇ چاغلاردا تونۇشلىرىم ئاللىقاچان موتوتسكىلىتلىق بولۇپ بولغان بولسىمۇ، ماددى نەرسىلەرنىڭ خوشاللىقى ئۇزۇنغا بارمايدىغانلىقىنى ھېس قىلىپ يەتكەچكىمكىن موتوتسكىلىت، يان تېلېفۇن دېگەنلەر مېنى ئانچە قىزىقتۇرالمىدى. كۈتۈبخانىغا بىر كىرىپ كەتسەم تاكى كۈتۈبخانىدىكىلەر ئىشتىن چۈشمىگۈچە ئۆگىنىشتىن توختىمايتىم، توختاۋىسىز ئىزدىنىش مېنىڭ ھەقىقىي ياشاش يولۇم بولۇپ قالدى.
 
  ئوقۇشۇمنى تاماملاپ، خىزمەتكە چىقىپ، ئۆي- ئوچاقلىقمۇ بولدۇم. قىزىقارلىقى شۇ بولدىكى، كىچىكىمدە مەن ھەۋەس قىلىدىغان ھېلىقى ئاغىنىلىرىم ئەمدى ماڭا ھەۋەس قىلىدىغان بولدى. ئۇلار ئېلان قىلىنغان ماقالىلىرىمنى، تەرجىمە ئەسەرلىرىمنى گېزىت- ژورناللاردىن ئوقۇپ، مەن ئىشلىگەن پروگراممىلارنى رادىيو، تورلاردىن ئاڭلاپ، ئالدىراشلا يۈرگىنىمنى كۆرۈپ، ماڭا ھۆرمەت نەزىرى بىلەن قارايدىغان بولدى. بۇ ئىشلار يەنە ماڭا بالىلىق چاغلىرىمنى ئەسلەتتى. قۇرداشلىرىم مەن ھەۋەس قىلىدىغان ۋېلىسپىتلەرنى مىنىپ، كۆزنى چاقنىتىدىغان قول سائەتلەرنى تاقاپ يۈرگەندە مەن بېغىمىزدىكى ئۆرۈك دەرىخىنىڭ ئاستىدا كىتاپ ئوقۇيتۇم. ئۆز ئارا پۇل چىقىرىشىپ بىر يەرلەرگە بېرىشنى پىلانلاشقاندا مەن مەشىق ماقالىسى يېزىش ئۈچۈن ماڭاتتىم. ماددىي ئېھتىياج ھاياتلىقىمىز مەلۇم بىر باسقۇچقا بارغۇچە مۇھىم بولغىنى بىلەن، ئەمما ئۇنى ھاياتنىڭ ھەممە قىسمى قىلىۋېلىش ئاقىلانىلىق ئەمەسكەن. كىچىكلىكىمىزدە تۈرلۈك ماددىي ھەۋەسلىرىمىز ئوقچۇپ تۇرسىمۇ، چوڭ بولغانسېرى مەنىۋى ئېھتىياجىمىز ئارتىپ بارىدىكەن. بىز ئانچە- مۇنچە ماددىي ئېھتىياجلارنىڭ قوشۇمچىلىقىدا مەنىۋى ئېھتىياجنى روھىي بۇلاق قىلىپ ھاياتىمىزغا يۈزلىنىدىكەنمىز... مەنىۋى كامالەتكە يېتىشنى مىزان قىلىپ ياشاش بىزنى ئادىمىيلىك مەنزىلىگە ئېلىپ بارىدىكەن. ماددىيلىقتىن مەنىۋىلىككە ئۆتۈشتە كىتاپ ئوقۇش ۋە ئانچە- مۇنچە ئىزدىنىش ماڭا تۈۋرۈك بولدى.
 
  ئويلاپ باقسام ھازىرغىچە تالاي ھەۋەسلەرنىڭ ئىشتىراكچىلىقىدا ياشاپتىمەن. بالىلىقىمدا ماددىي ھەۋەسلىرىم، ياشلىقىمدا مەنىۋى ئىنتىلىشلىرىم كۆپ بوپتۇ. ئىنسان ھاياتلىقىدا نۇرغۇن ئېھتىياجلارنى قوغلىشىپ ياشايدۇ. ماددىي ئېھتىياج ۋە روھىي ئېھتىياج ھامان بىزنىڭ ئەتراپىمىزنى ئەگىپ يۈرىدۇ. بىزمۇ ئۇنى ئۆزىمىزگە تارتىش يولىدا تىپىرلاپ ياشايمىز. مەيلى قانداقلا بولسۇن، مەلۇم ياشقا كېلىپ بارلىق ماددىي ئېھتىياجلىرىمىز تويۇنۇش ھالىتىگە يەتكەندىمۇ يەنىلا ئۇنى قوغلىشىپ، ئۇنىڭ قۇلى بولۇپ ياشىساق ھاياتلىقىمىزدىن ھېچبىر مەنا روياپقا چىقمايدۇ. پەقەت مەنىۋى ئىنتىلىش، مەنىۋى كامالەت، مەنىۋى دارامەت بىزگە روھ ئوزۇقى ۋە زوقى بولۇپ ھاياتىمىزنى بۈيۈكلۈككە، مەنىۋىيىتىمىزنى شادلىق- قۇۋانچىلارغا پۈركەيدۇ.
 
  شۇنداق ئىكەن، بۇ دۇنياغا ئاپرىدە بولغان ھەر بىر ئىنسان ئۆز مەۋجۇتلىقدا ماددىي ئېھتىياجنى قوشۇمچە، مەنىۋى ئېھتىياجنى تۈۋرۈك قىلىپ ئۆز مەنىۋىيىتىنى يۈكسەك كامالەتكە يەتكۈزۈش يولىدا ئىزدەنسە، ئىلىم- ئىرفان تەھسىل قىلسا مۇقەررەركى شۇ ئىنساننىڭ ھاياتى ئۆزىگىلا ئەمەس ئەتراپتىكىلەرگىمۇ مەنىۋى ھوزۇر بېرەلەيدۇ، ھايات يولىغا كومپاس بولالايدۇ.

[an error occurred while processing this directive]
[an error occurred while processing this directive]
[an error occurred while processing this directive]
نادىر ناخشا – مۇزىكىلار
تور بېتىمىزدىكى يېڭىلىقلار
شىنجاڭ خەلق رادىئو ئىستانسىسى كەسىپ ئىستىلى قىزىق لىنىيەسى پىروگراممىسىدا،  5 -  ئاينىڭ 25 -كۈنى بايىنغۇلىن مۇڭغۇل ئاپتۇنوم ئوبلاستىدا ـــ  ۋىلايەت-ئوبلاست رەھبەرلىرىنىڭ كۈتۈۋېلىش كۈنى ئالاھىدە پروگراممىسى؛ 5- ئاينىڭ 27- كۈنى  بۈگۈر ناھىيەسىدە « ناھىيە-شەھەر رەھبەرلىرىنىڭ كۈتىۋېلىش كۈنى» ئالاھىدە پىروگراممىسى نەق مەيداندىن بىۋاستە ئاڭلىتىلىدۇ
 ئىستانسىمىز ئاپتونوم رايونلۇق خەلق ھۆكۈمىتى كەسپتىكى ناتوغرا ئىستېللارنى تۈزىتىش ئىشخانىسى، ئاپتونوم رايونلۇق قاتناش ـ ترانسپورت نازارىتى، ئاپتونوم رايونلۇق جامائەت خەۋپسىزلىكى نازارىتى بىلەن بىرلىشىپ ئۆتكۈزىدىغان، كەسپ ئىستېلى قىزىق لېنىيىسى پروگراممىسىنىڭ «قاتناش 10 مىڭ چاقىرىملىق سەپىرى چوڭ تىپتىكى بىۋاستە ئاڭلىتىش پائالىيىتى» 10- ئاينىڭ 16- كۈنى يەنى ئەتە خوتەن ۋىلايىتىدە  ئۆتكۈزىلىدۇ
More>>
رادىيو دىراممىسى
بۇ بەتنىڭ نەشىر ھوقۇقى شىنجاڭ خەلق رادىيو ئىستانسىسىغا تەۋە
ئالاقىلىشىش نومۇرى: 2571553، 2578492
ئادرىسىمىز: ئۈرۈمچى شەھىرى ئىتتىپاق يولى 830- نومۇر شىنجاڭ خەلق رادىيو ئسىتانسىسى تور مەركىزى