قىزىق نوقتا خەۋەرلىرى

خانىم- قىزلاردىكى گەپ باشلاش سەنئىتى

2018-01-04 13:12:05     مەنبەسى: شىنجاڭ خەلق رادىيو ئىستانسىسى   

سىزمۇ بەلكىم سۆزنى قەيەردىن باشلاش توغرىلىق ئويلانغان، بەلكىم نىمە دېيىشنى، سۆزنى قەيەردىن باشلاشنى بىلەلمەي تۇرۇپ قالغان بولىشىڭىزمۇ مۇمكىن. چۈنكى، كۈندىلىك تۇرمۇشتا ھەرخىل  ئىجتىمائىي ئالاقە سورۇنلىرىدا بۇنداق ئەھۋال دائىم يۈز بېرىپ تۇرىدۇ. بولۇپمۇ خانىم- قىزلار گەپ قىلىشقا ئامراق كېلىدىغان بولغاچقا، ھال- مۇڭ ئېيتىش ئۇلار ئۈچۈن ھىسسىيات ئالماشتۇرۇشتىكى مۇھىم ئۇسۇلدۇر. ئەلۋەتتە مەلۇم بىر مەسىلە ئۇستىدە پاراڭلاشقاندا ئورتاق قىزىقىش ۋە قاتنىشىش بولغاندىلا ئاندىن گەپ بىر يەردىن چىقىپ، خوشال پاراڭلاشقىلى بولىدۇ، بۇنىڭ ئۈچۈن خانىم- قىزلار تۆۋەندىكى بىرقانچە نوقتىغا ئالاھىدە دىققەت قىلىشى كېرەك.
كەسپچان قىز- ئاياللار بىلەن بىر سورۇندا بولغاندا خىزمەت ۋە كەسپ تەرەققىياتىنى چۆرىدىگەن ئاساستا گەپ باشلاڭ. كەسپتە تىرىشچان، ئىزدىنىش روھىغا باي ھەرقانداق بىر خانىم- قىز بىرى خىزمەت ۋە كىشىلىك تۇرمۇش ئۈستىدە سۆز باشلىسا باشقىچە روھلىنىپ كېتىدۇ، سىز مۇشۇ نوقتىنى ئاساس قىلىپ پاراڭ باشلىسىڭىز، سۆھبىتىڭلارنىڭ قىزغىن بولىشىدا گەپ يوق.
قارشى تەرەپنىڭ قىزىقىشىغا قارىتا گەپ باشلىسىڭىز، ئوڭاي ئورتاق پىكىرگە كېلەلەيسىز. ھەرقانداق بىر ئايال كىيىم- كېچەك، ئائىلە، تۇرمۇش ياكى يېقىندا يۈز بەرگەن ۋەقەلەر ھەققىدە پاراڭغا قىزىقماي قالمايدۇ. كۆرۈشۈپ  سالاملاشقاندىن كېيىنكى بىرقانچە مىنۇت ئىچىدىلا ئۇنىڭ خارەكتىرى، كەيپىياتى ۋە قىزىقىشىغا ھۆكۈم قىلغىلى بولىدۇ ھەمدە قارشى تەرەپ قىزىقىدىغان پاراڭ تېمىسىنى بايقىغىلى بولىدۇ. ھەرقانچە كەمسۆز ئايالمۇ ئۆزى قىزىقىدىغان تېمىدا پاراڭ بولغاندا جىم تۇرالمايدۇ- دە، پاراڭغا قاتنىشىپ، سۆھبەت مەزمۇنىنى بېيىتىدۇ. كىيىم- كېچەك، سالامەتلىك، پەرزەنتلەر توغرىلىق بولغان پاراڭلار ھەرقانداق بىر خانىمنى جەلپ قىلىدۇ، ئەمما بەزىدە تۈنجى كۆرۈشۈپ ھال- ئەھۋال سورىشىپ بولۇپمۇ يەنىلا قارشى تەرەپنىڭ قىزىقىشىنى بىلەلمەي قالسىڭىز، ئۆزىڭىزنىڭ قىزىقىدىغان ئىشلىرىنى سۆزلەپ تۇرۇپ، ئاندىن ئۇنىڭ پىكىرىنى ئاڭلاپ ھەر ئىككەيلەنگە ئورتاق بولغان تېمىدا پاراڭلاشقاندا ئۆزئارا چۈشىنىشنى چۇڭقۇرلاشتۇرغىلى بولىدۇ.
ئەتراپتىكى مۇھىت ۋە ئىجتىمائىي تۇمۇشنى چۆرىدىگەن ھالدا پاراڭ باشلاڭ. شەيئىلەرنى كۈزىتىش ۋە مەسىلىلەر، زىدىيەتلەرنى ھەل قىلىشقا ماھىر بىر ئايال ئەتراپقا بىر قاراپلا تۈگىمەس پاراڭ تېمىسىنى تاپالايدۇ. ئۇنىڭ ئۈستىگە تۇرمۇشتا ھەمىشە ئەڭ چوڭقۇر تۇيغۇ، ئەڭ دىيىشنى خالايدىغان گەپ، ئەڭ بىزار بولىدىغان ياكى ياخشى كۆرىدىغان ئادەم ئىشلار بولىدۇ، يەنى، قولىڭىزدا كۆتۈرىۋالغان كىتاپ، دوستىڭىز كىيىۋالغان كىيىم يېقىندا كۆرگەن كىنو دېگەنگە ئوخشاش.
ئالدىڭىزدا ئولتۇرغان ئادەمگە مۇۋاپىق كېلىدىغان گەپ تېمىسىنى تېپىپ سۆزلەڭ. پاراڭلىشىدىغان ئادەم  ئەڭ ياخشىسى ئۆزىمىزگە تونۇش بولسا ئورتاقلىق تېپىشىمىزغا تېخىمۇ پايدىلىق، بەزىدە ئادەم بەزىبىر ئاياللار بىلەن پاراڭلاشقاندا ئىنتايىن مەنىلىك تۇيغۇغا كېلىدۇ، شۇ قېتىمقى پاراڭدىن ناھايىتى كۆپ ئەمەلىي نەپكە ئېرىشەلەيدۇ. بۇنىڭ سەۋەبى دەل پاراڭدا پىكىر ئورتاقلىقى بولغانلىقىدا. پىكىر ئورتاقلىقى بولغانلىقى ئۈچۈن ئىككىلا تەرەپ بېرىلىپ كۆڭۈللۈك پاراڭلىشالايدۇ. ئەگەر ناتۇنۇش تېمىدا پاراڭ چىقىپ قالسا خۇددى گەپكە قوشۇلالمايۋاتقاندەك تۇيغۇ پەيدا بولۇپ، سۆھبەت مەنىسىز بولۇپ قالىدۇ. خانىم- قىزلار دائىم دوستلىرىمىز بىلەن پاراڭلىشىپ تۇرساق ئۆزىمىزنىڭ سۆز قابىلىيىتىمىزنى ئاشۇرالايمىز، شۇنداقلا بۇ يەنە مىجەز- خارەكتىرىمىزنىڭ ئوچۇق- يورۇق بولىشىغىمۇ پايدىلىق. ئەگەر خانىم- قىزلار ناتۇنۇش كىشىلەر بىلەن پاراڭلاشماقچى بولۇپ قالسا ئالدى بىلەن ئۆزىنى تونۇشتۇرۇپ ئاندىن پاراڭ تېمىسىنى باشلىسا بولىدۇ. ئەگەر سىز ناھايىتى خىجىلچان ئايال بولسىڭىز، ئاۋۋل سۆزلىمەكچى بولغانلىرىڭىزنى كاللىڭىزدا ئوبدان ئويلىنىۋېلىڭ، ئاندىن پاراڭلاشقاندا ئۆزىڭىز سۆزلەش بىلەنلا بولۇپ كەتمەي، قارشى تەرەپكە پۇرسەت بېرىشنىمۇ ئۇنتۇپ قالماڭ. ئۇنىڭدىن باشقا پاراڭ باشلىغاندا مەنئىي قىلىنىدىغان ئىشلارغىمۇ دىققەت قىلىش كېرەك، يەنى، باشقىلارنىڭ شەخسىي ئىشلىرى، ئازابلىق تارىخى قاتارلىقلار توغرىسىدا گەپ ئېچىپ قېلىشتىن ساقلىنىڭ. ئەگەر قارشى تەرەپ ئۆزى سۆزلەپ بەرسە مەيلى، بولمىسا شۇ سەۋەپلىك قارشى تەرەپ ئوڭايسىز ئەھۋالغا چۈشۈپ قېلىشى، كۆڭۈلسىزلىك  پەيدا بولىشى، ھەتتا كىشىلىك مۇناسىۋەتكە تەسىر يېتىپ قېلىشىمۇ مۇمكىن.

[an error occurred while processing this directive]
[an error occurred while processing this directive]
[an error occurred while processing this directive]
نادىر ناخشا – مۇزىكىلار
تور بېتىمىزدىكى يېڭىلىقلار
2018-يىلى 1-ئاي
2018-يىلى 2-ئاي
2017-يىلى 11-ئاي
2017-يىلى 12-ئاي
2018-يىلى 3-ئاي
رادىيو دىراممىسى
بۇ بەتنىڭ نەشىر ھوقۇقى شىنجاڭ خەلق رادىيو ئىستانسىسىغا تەۋە
ئالاقىلىشىش نومۇرى: 2571553، 2578492
ئادرىسىمىز: ئۈرۈمچى شەھىرى ئىتتىپاق يولى 830- نومۇر شىنجاڭ خەلق رادىيو ئسىتانسىسى تور مەركىزى