قىزىق نوقتا خەۋەرلىرى

دۆت ئادەم يوق

2018-01-05 17:03:54     مەنبەسى: شىنجاڭ خەلق رادىيو ئىستانسىسى   

ھېكايەت


 بىر بالا دائىم بېسىم ئىچىدىلا ياشايدىكەن. ئۇنىڭ دادىسى چوڭ بىر شىركەتنىڭ دېرىكتورى ئىكەن. ئەمما بۇ بالا بولسا ئائىلە ئوقۇتقۇچىسىنىڭ ياردىمىدە ئارانلا ئوقىۋاتقان ئىكەن. «قانداق قىلسام بولار، ھەجەپمۇ دادامنى دورىماپتىكەنمەن». ئۇ دائىم شۇنداق دەپ ئازاپلىنىپ، غەمكىن يۈرىدىكەن. چۈنكى ئۇ ھازىرغىچە بىرەر ئىشتىمۇ غەلبە قازىنىپ باقمىغان ئىكەن.
 بالىنىڭ چىرايىدىكى سولغۇنلۇق دادىسى تەكلىپ قىلغان ئوقۇتقۇچىنى ھەيران قالدۇرۇپتۇ. بىر كۈنى ئوقۇتقۇچى بالىدىن:
- سەن نېمىشقا غەمكىن يۈرىسەن؟- دەپ سوراپتۇ.
- مېنىڭ ھېچقانداق ئالاھىدىلىكىم يوق، ئەزەلدىن بىرەر ئىشتا غەلبە قازىنىپ باققان ئەمەسمەن. سىزمۇ بىلىسىز، دادام ئۇتۇق قازانغان داڭلىق ئادەم، ئەمما مەن بولسام ھېچقانداق ئارتۇقچىلىقىم يوق ئاددىي بىر بالا، ئۆگىنىشكە ئەسلا قىزىقمايمەن. ئۆزۈمدىن پەخىرلەنگۈدەك ھېچنىمەم يوق. دۆتلۈكۈمدىن كۆڭلۈم بەك يېرىم بولىدۇ.
- سەن مۇنداق بىر سۆزنى ئاڭلىغانمۇ؟
- قانداق سۆزنى؟
- «دۇنيادا دۆت ئادەم يوق». بۇ سۆزنى ئىلگىرى مۇئەللىم ئېيتىپ بەرگەنىدى. ھەممە ئادەمنىڭ ئەقلىي ئىقتىدارى ئوخشاش بولمايدۇ. سەندە بەلكىم ئۆزۈڭ ھېس قىلمىغان نۇرغۇن ئارتۇقچىلىقلار بولىشى مۇمكىن. ھەرقانداق ئادەمنىڭ ئۆزىگە تۇشلۇق ئارتۇقچىلىقى بولىدۇ. سەن ئۆزۈڭدىكى ئارتۇقچىلىقنى بايقاشقا ماھىر بولۇشۇڭ، يەنى ئۆزۈڭنىڭ نېمىگە قىزىقىدىغانلىقىڭنى بىلىشىڭ كېرەك. خالىساڭ سېنى بىر يەرگە باشلاپ باراي. سەن ئۇچۇشنىڭ قانداق بولىدىغانلىقىنى بىلمەيسەنغۇ دەيمەن؟
- ماقۇل، بەلكىم ئېيتقىنىڭىز توغرىدۇ،- دەپتۇ بالا بوش ئاۋازدا.
- نېمىدىگەن پەيزى!- دەپتۇ  ئۇ ئۇچقۇچىلار مەكتىپىدىن قايتىپ چىقىۋېتىپ قاتتىق ھاياجانلانغان ھالدا،- مەن ئۇچۇشقا ماھىركەنمەن. مەندە شۇنداق تالانت باركەن. ئەمدى مەن تىرىشىمەن، ئىزدىنىمەن. ئۆزۇمگە ئىشەنسەم بولغۇدەك!
  ئۇ ئاخىر ئۆزىدىكى ئارتۇقچىلىقنى بايقاپتۇ. ئۇنىڭدىن ئىشەنچ، خوشاللىق تېپىپتۇ. «مەن ئۆزۈمنىڭ ئەقىل- پاراسەتتە كامالەتكە يەتكەن ئادەم ئەمەسلىكىمنى بىلىمەن. ئەمما مەندە ئالاھىدە ئىقتىدار بار، چۈنكى مەن ئۇچالايمەن»، ئۇ دائىم شۇنداق دەيدىكەن. دېگەندەك بۇ بالا كېيىن دادىسىنىڭ كەسىپىگە ۋارىسلىق قىلىپ، شىركەتنى دادىسىدىنمۇ ئوبدان گۈللەندۈرۈپتۇ. شىركەت كۆلىمى دادىسى باشقۇرغان چاغدىكىنىڭ 20 ھەسسىگە يېتىپتۇ.    ھەممە ئادەمنىڭ ئەقلىي ئىقتىدارى ئوخشاش بولمايدۇ، ئەمما، ئىنتايىن ئاز ساندىكى پەۋقۇلئادە ئەقىللىق كىشىلەرنى ھېسابقا ئالمىغاندا، كىشىلەر ئەقىل- پاراسەت جەھەتتە كۆپ پەرقلەنمەيدۇ. ئەمەلىيەتتە، ھەممە ئادەمدە ئاز دىگەندە يەتتە خىل ئىقتىدار بولىدۇ. مەسىلەن، ماتىماتىكا، پەلسەپە، تىل، مۇزىكا، ماكان، بەدەن سېزىمى ۋە ئىككى خىل چۈشىنىش ئىقتىدارى، يەنە باشقىلارنى چۈشىنىش، ئۆزىنىڭ ئارزۇ- ئارمانلىرى، غەم- قايغۇلىرىنى بىر تەرەپ قىلىش ئىقتىدارى قاتارلىقلار. ئۆزىگە ئىشەنگەن ئادەم چوقۇم نەتىجە قازىنالايدۇ.
 

[an error occurred while processing this directive]
[an error occurred while processing this directive]
[an error occurred while processing this directive]
نادىر ناخشا – مۇزىكىلار
تور بېتىمىزدىكى يېڭىلىقلار
شىنجاڭ خەلق رادىئو ئىستانسىسى كەسىپ ئىستىلى قىزىق لىنىيەسى پىروگراممىسىدا،  5 -  ئاينىڭ 25 -كۈنى بايىنغۇلىن مۇڭغۇل ئاپتۇنوم ئوبلاستىدا ـــ  ۋىلايەت-ئوبلاست رەھبەرلىرىنىڭ كۈتۈۋېلىش كۈنى ئالاھىدە پروگراممىسى؛ 5- ئاينىڭ 27- كۈنى  بۈگۈر ناھىيەسىدە « ناھىيە-شەھەر رەھبەرلىرىنىڭ كۈتىۋېلىش كۈنى» ئالاھىدە پىروگراممىسى نەق مەيداندىن بىۋاستە ئاڭلىتىلىدۇ
 ئىستانسىمىز ئاپتونوم رايونلۇق خەلق ھۆكۈمىتى كەسپتىكى ناتوغرا ئىستېللارنى تۈزىتىش ئىشخانىسى، ئاپتونوم رايونلۇق قاتناش ـ ترانسپورت نازارىتى، ئاپتونوم رايونلۇق جامائەت خەۋپسىزلىكى نازارىتى بىلەن بىرلىشىپ ئۆتكۈزىدىغان، كەسپ ئىستېلى قىزىق لېنىيىسى پروگراممىسىنىڭ «قاتناش 10 مىڭ چاقىرىملىق سەپىرى چوڭ تىپتىكى بىۋاستە ئاڭلىتىش پائالىيىتى» 10- ئاينىڭ 16- كۈنى يەنى ئەتە خوتەن ۋىلايىتىدە  ئۆتكۈزىلىدۇ
More>>
رادىيو دىراممىسى
بۇ بەتنىڭ نەشىر ھوقۇقى شىنجاڭ خەلق رادىيو ئىستانسىسىغا تەۋە
ئالاقىلىشىش نومۇرى: 2571553، 2578492
ئادرىسىمىز: ئۈرۈمچى شەھىرى ئىتتىپاق يولى 830- نومۇر شىنجاڭ خەلق رادىيو ئسىتانسىسى تور مەركىزى