قىزىق نوقتا خەۋەرلىرى

ئەخلاق پەزىلەت ۋە پەرزەنت تەربىيەسى

2018-01-09 11:10:01     مەنبەسى: شىنجاڭ خەلق رادىيو ئىستانسىسى   

بالىلارنىڭ نەزەرىدە ئاتا- ئانا تۇنجى ئوقۇتقۇچى، ئاتا- ئانىسى ھەممە جەھەتتىن نۇقسانسىز، ئەڭ قالتىس كىشىلەر ھېسابلىنىدۇ. ئۇلار ئالدى بىلەن ئاتا - ئانىلىرىنىڭ ئىش - ھەرىكىتىنى كۆرۈپ، دورىغىسى كېلىدۇ، كۈندە ئاڭلاپ تۇرغان گەپ- سۆزلىرىدىن قانداق تەلەپپۇزدا سۆزلەشنى ئۆگىنىدۇ. مۇشۇ نۇقتىدىن ئېيتقاندا، ئاتا- ئانىلار بالىلارغا ھەر جەھەتتىن ئەڭ بالدۇر تەسىر كۆرسەتكۈچىدۇر. شۇڭا ئاتا- ئانىلار ئائىلىدىكى ھەر بىر ئىش- ھەرىكىتى، گەپ - سۆزىنىڭ خاتا ياكى توغرا بولسۇن، بالىلارغا كۆرسىتىدىغان تەسىرىنىڭ زور بولىدىغانلىقىنى ئېسىدە ساقلاپ، بالىلارنىڭ ئالدىدا ياخشى ئوبراز يارىتىشقا ئەھمىيەت بېرىش لازىم. رېئال تۇرمۇشتا مۇتلەق كۆپ ساندىكى ئاتا- ئانىلار بۇنىڭغا ناھايىتى ئەھمىيەت بېرىدۇ، لېكىن ئاز ساندىكى بىر قىسىم ئاتا- ئانىلار ماددىي جەھەتتىكى غەمخورلۇققا ئەھمىيەت بېرىپ، ئىدىيە- ئەخلاق، پەزىلەت جەھەتتىكى تەربىيەگە سەل قارايدۇ. شۇنى چۈشىنىش كېرەككى، پەرزەنتلىرىنى ئىدىيە- ئەخلاق، پەزىلەت جەھەتتە تەربىيەلەش يالغۇز ئاتا- ئانىلارنىڭلا ئۆتەشكە تېگىشلىك مەجبۇرىيىتى بولماستىن، بەلكى دۆلەت، جەمئىيەت ئالدىدىمۇ ئۆتەشكە تېگىشلىك مەجبۇرىيەت ھېسابلىنىدۇ. چۈنكى پەرزەنتلەر ئاتا - ئانىلىرىنىڭ ئىز باسارىلا بولماستىن، بەلكى دۆلەتنىڭ، كەلگۈسىنىڭ ئىگىلىرىدۇر.
ئاتا - ئانىلار ياخشى ئائىلە مۇھىتى يارىتىشتا ئائىلە ئەزالىرى ئورتاق قىزىقىدىغان، بالىلارنىڭ ئۆگىنىشىنى ئاساس قىلىدىغان ئەھۋال سوراش ئادىتىنى يېتىلدۈرۈش لازىم. بالىلارنىڭ سورىغان سوئاللىرىغا ئەستايىدىل جاۋاب بېرىشى، ھەرگىزمۇ ئۆزىنىڭ بىلىمسىزلىكىنى يېپىش ئۈچۈن «مۇشۇنىمۇ بىلمەمسەن، مەكتەپتە ئۆگەنمەي نېمە ئىش قىلدىڭ، بېرىپ مۇئەللىمىڭدىن سورا...» دېگەندەك گەپلەر بىلەن ئۇلارنى كەمسىتمەسلىكى لازىم. ئاتا - ئانىلار تەشەببۇسكار بولۇپ، بالىلارنىڭ زېھنىنى ئاچىدىغان كىتابلارنى ئېلىپ بېرىشى، تەبىئەتنى ئېكسكۇرسىيە قىلدۇرۇشى، بالا بىلەن كۆپ پىكىرلىشىشى، سۆز - ھەرىكەتتە ئىلمىي بولۇشى، بالىلارنى ئۆگىنىشكە، تەپەككۇر قىلىشقا قىزىقتۇرۇشى، بالىلىرىنىڭ ئەقلىي ئىقتىدارىنى يېتىلدۈرۈشكە ئەھمىيەت بېرىشى لازىم. بالىلىرىنىڭ ئالدىدا باشقا بالىلارنى كۆپ ماختىماسىق، يېتەرسىزلىكىنى تەكىتلىمەسلىك، بولۇپمۇ بالىلارنىڭ غۇرۇرىغا تېگىدىغان گەپ- سۆزلەرنى قىلىشتىن ھەزەر ئەيلەش لازىم. چۈنكى بالىلارنىڭ غۇرۇرى كۈچلۈك بولىدۇ. ئاتا - ئانىسىنىڭ ئۆزىگە ھۆكۈمران بولۇشىنى ئەمەس، بەلكى سىرداش دوستى بولۇشىنى ئارزۇ قىلىدۇ. ئەگەر، ئاتا- ئانا خاتالىق ئۆتكۈزسە، چوقۇم بالىلىرىنىڭ ئالدىدا خاتالىقىنى تۈزىتىشنى دائىملىق قائىدىگە ئايلاندۇرۇش ۋە بالىلارنى ئەمگەك بىلەن چېنىقتۇرۇشقا ئەھمىيەت بېرىش لازىم.
ئاتا- ئانىلار پەرزەنتلىرىگە كىبىرىنى كۆرسىتىپ بېسىم ئىشلەتمەي، ئۇلارغا دېموكراتىك، باراۋەر پوزىتسىيەدە مۇئامىلە قىلىشى، ئۇلارنى ئۆزىگە ئىشىنىش، ئۆزىگە تايىنىش، ئۆزىنى كۈچەيتىش، ئالغا ئىلگىرىلەش، غايىلىك، ئەخلاقلىق، مەدەنىيەتلىك، ئىنتىزامچان كىشىلەردىن بولۇشقا ئىلھاملاندۇرۇش لازىم. ئىجابىي تەربىيەنى، ئىلھاملاندۇرۇشنى ئاساس قىلىپ، پەرزەنتلىرىنىڭ ئاكتىپلىقىنى قوزغاپ يېتەكچىلىكنى كۈچەيتىپ، ئۇلارنى ساغلام يېتىلدۈرۈش لازىم. پەرزەنتلىرىنىڭ كەمچىللىك ۋە خاتالىقىغا قارىتا سەۋرچانلىق بىلەن قايىل قىلىش تەربىيەسى ئېلىپ بېرىش، ئەيىبلەش، مەسخىرە قىلىش، كەمسىتىش، ئۇرۇپ- تىللاش، جازالاشتەك ئۇسۇللارنى قوللانماسلىقى لازىم. ھەممە ئىشتا ئاتا - ئانىلار ئۆزى ئۈلگە بولۇپ، سۆز ۋە ئەمەلىي ھەرىكىتى ئارقىلىق ئىلمىي تەربىيە بېرىپ، توغرا دۇنيا قاراش، كىشىلىك تۇرمۇش قارىشى ئارقىلىق پەرزەنتلىرىگە تەربىيە بېرىش ئۇسۇلىنى قوللىنىش لازىم.
شۇنداق دېيىشكە بولىدۇكى، ئەخلاقىي ساپاسى يۇقىرى بىر تۈركۈم تەربىيەلەنگۈچىلەرنى يېتىشتۈرۈپ چىقىش ئۈچۈن ھەممە تەرەپ ئورتاق كۈچ چىقىرىش لازىم.

[an error occurred while processing this directive]
[an error occurred while processing this directive]
[an error occurred while processing this directive]
نادىر ناخشا – مۇزىكىلار
تور بېتىمىزدىكى يېڭىلىقلار
شىنجاڭ خەلق رادىئو ئىستانسىسى كەسىپ ئىستىلى قىزىق لىنىيەسى پىروگراممىسىدا،  5 -  ئاينىڭ 25 -كۈنى بايىنغۇلىن مۇڭغۇل ئاپتۇنوم ئوبلاستىدا ـــ  ۋىلايەت-ئوبلاست رەھبەرلىرىنىڭ كۈتۈۋېلىش كۈنى ئالاھىدە پروگراممىسى؛ 5- ئاينىڭ 27- كۈنى  بۈگۈر ناھىيەسىدە « ناھىيە-شەھەر رەھبەرلىرىنىڭ كۈتىۋېلىش كۈنى» ئالاھىدە پىروگراممىسى نەق مەيداندىن بىۋاستە ئاڭلىتىلىدۇ
 ئىستانسىمىز ئاپتونوم رايونلۇق خەلق ھۆكۈمىتى كەسپتىكى ناتوغرا ئىستېللارنى تۈزىتىش ئىشخانىسى، ئاپتونوم رايونلۇق قاتناش ـ ترانسپورت نازارىتى، ئاپتونوم رايونلۇق جامائەت خەۋپسىزلىكى نازارىتى بىلەن بىرلىشىپ ئۆتكۈزىدىغان، كەسپ ئىستېلى قىزىق لېنىيىسى پروگراممىسىنىڭ «قاتناش 10 مىڭ چاقىرىملىق سەپىرى چوڭ تىپتىكى بىۋاستە ئاڭلىتىش پائالىيىتى» 10- ئاينىڭ 16- كۈنى يەنى ئەتە خوتەن ۋىلايىتىدە  ئۆتكۈزىلىدۇ
More>>
رادىيو دىراممىسى
بۇ بەتنىڭ نەشىر ھوقۇقى شىنجاڭ خەلق رادىيو ئىستانسىسىغا تەۋە
ئالاقىلىشىش نومۇرى: 2571553، 2578492
ئادرىسىمىز: ئۈرۈمچى شەھىرى ئىتتىپاق يولى 830- نومۇر شىنجاڭ خەلق رادىيو ئسىتانسىسى تور مەركىزى