قىزىق نوقتا خەۋەرلىرى

قاردىن كېيىن ئاپتوموبىلىڭىزنى قانداق تازىلايسىز؟

2018-01-12 20:19:10     مەنبەسى: شىنجاڭ خەلق رادىيو ئىستانسىسى   

كۆپلىگەن شوپۇرلار ئاپتوموبىل ھەيدەشتىن ئىلگىرى قارلارنى پاكىز تازىلايدۇ، بولۇپمۇ، كۆرۈش دائىرىسىگە تەسىر يەتكۈزمەسلىك ئۈچۈن ئالدى شامال توسقۇچ ئەينىكىنى تېخىمۇ پاكىز تازلايدۇ.
قاردىن كېيىن ئاپتوموبىل ھەيدىگەندە، پەقەت شامال توسقۇچ ئەينەكنىلا تازلىماي بەلكى باشقا ئورۇنلاردىكى قارلارنىمۇ پاكىز تازلاش كېرەك، مەسلەن، ئاپتوموبىل ئۈستىدىكى قارنى تازلىمىغاندا، تورمۇز قىلغاندا ئۈستىدىكى قارلار شامال توسقۇچ ئەينىكىگە سىيرىلىپ چۈشىۋالىدۇ، موتور قاپقىقى ئۈستىدىكى قارلارنى تازلىمىغاندا، شامال يەنىلا ئۇنى ئالدى شامال توسقۇچ ئەينىكىگە ئۇچۇرۇپ ئاپىرىدۇ، يان دېرىزىدىكى قارلارنى تازلىمىغاندا، شوپۇرنىڭ ئەتراپنى كۆزىتىشىگە تەسىر يەتكۈزىدۇ.
قار ياغقاندا، ئاپتوموبىلنىڭ لاي توسقۇچىغىمۇ نۇرغۇن قار يىغىلىپ قالىدۇ ۋە بەزىدە يولغا، ئاپتوموبىل توختىتىش مەيدانى قاتارلىق ئورۇنلاردا چۈشۈپ قالىدۇ، گەرچە كۆپ ھاللاردا دەسسىلىپ كېتىدىغان بولسىمۇ، بىراق تېمپىراتۇرا تۆۋەن ھالەتتە ئاسانلا مۇز تۇتۇپ، يول يۈرۈش قىيىنلىشىشنى كەلتۈرۈپ چىقىرىدۇ.
قار ياغقان ۋاقىتتا، بەزى شوپۇرلارنىڭ ئاپتوموبىل يامغۇر سۈرۈتكۈچىسىنى تىكلەپ قويغانلىقىنى كۆرەلەيمىز. چۈنكى قاردىن كېيىن ناھايىتى سوغۇق بولىدۇ، شامال توسقۇچ ئەينەك ئۈستىدىكى قارلار ئېرىپ يەنە توڭلىغاندا يامغۇر سۈرتكۈچنىمۇ توڭلىتىپ قويىدۇ. يامغۇر سۈرتكۈچنى تىكلەپ قويغاندا، ئۇنىڭ توڭلاپ قېلىشىنىڭ ئالدىنى ئالغىلى بولىدۇ. ئەگەر دىققەتسىزلىكتىن توڭلاپ قالغان بولسا، نورمال تېمپىراتۇرىدىكى سۇنى يامغۇر سۈرتكۈچ ئۈستىگە قۇيۇپ، مۇز ئېرىگەندىن كېيىن سۈرتۈۋەتسەكلا بولىدۇ، بىراق شامال توسقۇچ ئەينەك ئۈستىگە ئىسسىق سۇ قۇيۇشقا ھەرگىز بولمايدۇ، بۇنداق بولغاندا، رېتىمسىز ھالەتتىكى ئىسسىقتىن كېڭىيىپ، سوغۇقتىن تارىيىش شامال توسقۇچ ئەينەكنىڭ يېرىلىپ كېتىشىنى كەلتۈرۈپ چىقىرىدۇ.
بەزى ئىنچىكە شوپۇرلار، قار يېغىشتىن ئىلگىرى قېلىنراق قەغەز بىلەن شامال توسقۇچ ئەينەكنى توسۇپ قويۇپ، ئاپتوموبىل ھەيدەشتىن بۇرۇن يىغىلغان قارلار بىلەن قوشۇپلا ئېلىۋېتىدۇ، ناھايىتى قولايلىق.

[an error occurred while processing this directive]
[an error occurred while processing this directive]
[an error occurred while processing this directive]
نادىر ناخشا – مۇزىكىلار
تور بېتىمىزدىكى يېڭىلىقلار
شىنجاڭ خەلق رادىئو ئىستانسىسى كەسىپ ئىستىلى قىزىق لىنىيەسى پىروگراممىسىدا،  5 -  ئاينىڭ 25 -كۈنى بايىنغۇلىن مۇڭغۇل ئاپتۇنوم ئوبلاستىدا ـــ  ۋىلايەت-ئوبلاست رەھبەرلىرىنىڭ كۈتۈۋېلىش كۈنى ئالاھىدە پروگراممىسى؛ 5- ئاينىڭ 27- كۈنى  بۈگۈر ناھىيەسىدە « ناھىيە-شەھەر رەھبەرلىرىنىڭ كۈتىۋېلىش كۈنى» ئالاھىدە پىروگراممىسى نەق مەيداندىن بىۋاستە ئاڭلىتىلىدۇ
 ئىستانسىمىز ئاپتونوم رايونلۇق خەلق ھۆكۈمىتى كەسپتىكى ناتوغرا ئىستېللارنى تۈزىتىش ئىشخانىسى، ئاپتونوم رايونلۇق قاتناش ـ ترانسپورت نازارىتى، ئاپتونوم رايونلۇق جامائەت خەۋپسىزلىكى نازارىتى بىلەن بىرلىشىپ ئۆتكۈزىدىغان، كەسپ ئىستېلى قىزىق لېنىيىسى پروگراممىسىنىڭ «قاتناش 10 مىڭ چاقىرىملىق سەپىرى چوڭ تىپتىكى بىۋاستە ئاڭلىتىش پائالىيىتى» 10- ئاينىڭ 16- كۈنى يەنى ئەتە خوتەن ۋىلايىتىدە  ئۆتكۈزىلىدۇ
More>>
رادىيو دىراممىسى
بۇ بەتنىڭ نەشىر ھوقۇقى شىنجاڭ خەلق رادىيو ئىستانسىسىغا تەۋە
ئالاقىلىشىش نومۇرى: 2571553، 2578492
ئادرىسىمىز: ئۈرۈمچى شەھىرى ئىتتىپاق يولى 830- نومۇر شىنجاڭ خەلق رادىيو ئسىتانسىسى تور مەركىزى