قىزىق نوقتا خەۋەرلىرى

شۆھرەت زاكىر ئاپتونوم رايونلۇق خەلق ھۆكۈمىتى پارتگۇرۇپپىسىنىڭ 2018- يىللىق تۇنجى قېتىملىق مەركىزى ئۆگىنىش گۇرۇپپىسىنىڭ ئۆگىنىش يىغىنىغا رىياسەتچىلىك قىلدى

2018-01-13 20:39:28     مەنبەسى: شىنجاڭ خەلق رادىيو ئىستانسىسى   

ئىستانسىمىز خەۋىرى:
ئاپتونوم رايونلۇق پارتكومنىڭ مۇئاۋىن شۇجىسى، ئاپتونوم رايوننىڭ رەئىسى شۆھرەت زاكىر مۇشۇ ئاينىڭ11- كۈنى ئاپتونوم رايونلۇق خەلق ھۆكۈمىتى پارتگۇرۇپپىسىنىڭ 2018- يىللىق تۇنجى قېتىملىق مەركىزى ئۆگىنىش گۇرۇپپىسىنىڭ ئۆگىنىش يىغىنىغا رىياسەتچىلىك قىلىپ، باش شۇجى شى جىنپىڭنىڭ مەركىزىي كومىتېتقا يېڭىدىن كىرگەن ئەزالار، كاندىدات ئەزالار ۋە ئۆلكە باشلىقى، مىنىستىر دەرىجىلىك ئاساسلىق رەھبىرىي كادىرلارنىڭ شى جىنپىڭنىڭ يېڭى دەۋر جۇڭگوچە سوتسىيالىزمى ئىدىيەسى ۋە پارتىيە19- قۇرۇلتىيى روھىنى ئۆگىنىش ۋە ئىزچىللاشتۇرۇش مۇھاكىمە كۇرسىنىڭ ئېچىلىش مۇراسىمىدا قىلغان مۇھىم سۆزىنىڭ روھىنى، باش شۇجى شى جىنپىڭنىڭ «تۆتتە ياخشى يېزا يولى»قۇرۇلۇشى توغرىسىدىكى مۇھىم كۆرسەتمىسىنىڭ روھىنى يەتكۈزدى ۋە ئۆگەندى.
يىغىندا مۇنۇلار ئوتتۇرىغا قويۇلدى: باش شۇجى شى جىنپىڭنىڭ مۇھىم سۆزى، بىزنىڭ شى جىنپىڭنىڭ يېڭى دەۋر جۇڭگوچە سوتسىيالىزمى ئىدىيەسىنى چوڭقۇر چۈشىنىش ۋە ئىگىلەش، پارتىيە 19- قۇرۇلتىيىنىڭ روھىنى چوڭقۇر چۈشىنىش ۋە ئىزچىللاشتۇرۇشىمىزنى ئاساسىي قوللانما بىلەن تەمىنلىدى. ھۆكۈمەت پارتگۇرۇپپىسى ۋە ھۆكۈمەت بەنگۇڭتىڭى پارتگۇرۇپپىسى چوڭقۇر ئۆگىنىپ ۋە ئۆزلەشتۈرۈپ، سىياسىي مەيدان، سىياسىي يۆنىلىش، سىياسىي پىرىنسىپ، سىياسىي يولدا يولداش شى جىنپىڭ يادرولۇقىدىكى پارتىيە مەركىزىي كومىتېتى بىلەن يۈكسەك بىردەكلىكنى ساقلاپ، شى جىنپىڭنىڭ يېڭى دەۋر جۇڭگوچە سوتسىيالىزمى ئىدىيەسى بىلەن مېڭىسىنى قوراللاندۇرۇپ، ئەمەلىيەتكە يېتەكچىلىك قىلىپ، خىزمەتلەرنى ئىلگىرى سۈرۈش كېرەك.
يىغىندا مۇنۇلار تەكىتلەندى: ھۆكۈمەت پارتگۇرۇپپىسى ۋە ھۆكۈمەت بەنگۇڭتىڭى پارتگۇرۇپپىسى شىنجاڭ خىزمىتىنىڭ باش نىشانىنى زىچ چۆرىدەپ، ۋاقىت ساقلاپ تۇرمايدۇ، ۋاقىتنى قولدىن بەرمەسلىك روھى بىلەن خىزمەتكە كىرىشىپ، پارتىيە 19- قۇرۇلتىيىدا ئوتتۇرىغا قويۇلغان مۇھىم تەدبىر، ئورۇنلاشتۇرمىلارنى شىنجاڭدا يىلتىز تارتقۇزۇپ، چېچەكلەپ مېۋە بەرگۈزۈش كېرەك. ئىنقىلابىي روھ، ئىنقىلابىي ئىرادىنى باشتىن- ئاخىر ساقلاپ، يېڭى دەۋردىكى پارتىيە قۇرۇلۇشىنىڭ باش تەلىپى بويىچە پارتىيەنى ئومۇميۈزلۈك قاتتىق باشقۇرۇشنى قەتئىي تەۋرەنمەي چوڭقۇرلاشتۇرۇش كېرەك. ھالقىلىق ئاز سانلىقنى چىڭ تۇتۇپ، ھەقىقىي تۈردە سىياسىي جەھەتتە سەگەك، ئۆگىنىشتە ئاڭلىق، خىزمەتتە مەسئۇلىيەتنى ئۈستىگە ئالالايدىغان، خەلق ئۈچۈن ئىشلەشتە خەلقنىڭ سىردىشى بولالايدىغان، ئىستىل جەھەتتە سەمىمىي، پاكلىق جەھەتتە پاكىز ئادەم بولۇپ، ئۆگىنىش ئىقتىدارى، سىياسىي جەھەتتىكى رەھبەرلىك ئىقتىدارى، ئىسلاھات ئېلىپ بېرىش يېڭىلىق يارىتىش ئىقتىدارى، ئىلمىي تەرەققىيات ئىقتىدارى، قانۇن بويىچە ھاكىمىيەت يۈرگۈزۈش ئىقتىدارى، ئاممىۋى خىزمەت ئىقتىدارى، ئەمەلىيلەشتۈرۈشنى چىڭ تۇتۇش ئىقتىدارى، خەۋپ- خەتەرنى تىزگىنلەش ئىقتىدارىنى ئومۇمىيۈزلۈك كۈچەيتىش كېرەك. خەۋپ ـ خەتەر ئېڭىنى كۈچەيتىپ، تۆۋەن چەك تەپەككۇرىنى ئاشۇرۇپ، خەۋپ- خەتەر ۋە خىرىسلاردىن مۇداپىئەلىنىش ۋە ئۇنى ھەل قىلىشتىكى تۈرلۈك خىزمەتلەرنى ئومۇميۈزلۈك ياخشى ئىشلەش كېرەك.يىغىندا مۇنۇلار ئوتتۇرىغا قۇيۇلدى: «تۆتتە ياخشى يېزا يولى» قۇرۇلۇشىنى ئىلگىرى سۈرۈش- يېڭى دەۋردە يېزا ـ كەنتلەرنى گۈللەندۈرۈش ئىستراتېگىيەسىنى يولغا قويۇش، يېزا ئىگىلىكى، يېزىلارنى زامانىۋىلاشتۇرۇشنى ئىلگىرى سۈرۈشتىكى بىر تۈرلۈك مۇھىم تەدبىر. ھۆكۈمەت پارتگۇرۇپپىسى ۋە ھۆكۈمەت بەنگۇڭتىڭى پارتگۇرۇپپىسى چوڭقۇر ئۆزلەشتۈرۈپ، قەتئىي ئىزچىللاشتۇرۇپ ۋە ئەمەلىيلەشتۈرۈپ، قاتناش ئارقىلىق نامراتلارنى يۆلەش سالمىقىنى يەنىمۇ زورايتىپ، «تۆتتە ياخشى يېزا يولى» قۇرۇلۇشىنى يىللىق نۇقتىلىق خەلق تۇرمۇشى قۇرۇلۇشىغا كىرگۈزۈپ يولغا قويۇپ، «ياخشى قۇرۇش، ياخشى باشقۇرۇش، ياخشى ئاسراش ۋە ياخشى يۈرۈش»تىن ئىبارەت يېزا تاشيول باش نىشانىنى چۆرىدەپ، ئاپتونوم رايونىمىزنىڭ «تۆتتە ياخشى يېزا يولى» قۇرۇلۇشىنى پۇختا ئىلگىرى سۈرۈپ، خەلق ئاممىسىنىڭ سەپەرگە چىقىشىدىكى راۋان تۇيغۇسى ۋە ئېرىشىش تۇيغۇسىنى يەنىمۇ كۈچەيتىش كېرەك.

[an error occurred while processing this directive]
[an error occurred while processing this directive]
[an error occurred while processing this directive]
نادىر ناخشا – مۇزىكىلار
تور بېتىمىزدىكى يېڭىلىقلار
2018-يىلى 1-ئاي
2018-يىلى 2-ئاي
2017-يىلى 11-ئاي
2017-يىلى 12-ئاي
2018-يىلى 3-ئاي
رادىيو دىراممىسى
بۇ بەتنىڭ نەشىر ھوقۇقى شىنجاڭ خەلق رادىيو ئىستانسىسىغا تەۋە
ئالاقىلىشىش نومۇرى: 2571553، 2578492
ئادرىسىمىز: ئۈرۈمچى شەھىرى ئىتتىپاق يولى 830- نومۇر شىنجاڭ خەلق رادىيو ئسىتانسىسى تور مەركىزى