قىزىق نوقتا خەۋەرلىرى

بالىلارنىڭ ئۆپكە ياللۇغىغا گىرىپتار بولغانلىقىنى قانداق بىلىمىز

2018-02-13 12:47:09     مەنبەسى: شىنجاڭ خەلق رادىيو ئىستانسىسى   

ئالىملارنىڭ تەتقىقات نەتىجىسىدىن ئىسپاتلىنىشىچە، كۆز ئاجىزلىقنىڭ ياشانغاندا دېۋەڭ بولۇپ قېلىش بىلەن زىچ مۇناسىۋىتى بار ئىكەن. كۆزى ئاجىز بولسىمۇ، ۋاقتىدا داۋالانمىغان كىشىلەرنىڭ دېۋەڭلىك كېسىلىگە گىرىپتار بولۇش نىسبىتىنىڭ بىرقەدەر يۇقىرى بولىدىغانلىقى  بايقالغان. ئەگەر ياشانغانلارنىڭ كۆزى ئاجىزلاپ كەتسە تەشەببۇسكارلىق بىلەن داۋالاتسا ياكى كۆزىگە ماس كېلىدىغان گىرادۇسلۇق كۆزەينەك سەپلەپ بېرىلسە، دېۋەڭلىك كېسىلىگە گىرىپتار بولۇش نىسبىتى تۆۋەنلەيدىكەن. ئالىملار تەكشۈرۈش جەريانىدا يەنە ياشانغانلار ئىچىدىكى كۆرۈش قۇۋۋىتى ياخشىلارنىڭ دېۋەڭلىك كېسىلىگە گىرىپتار بولۇش نىسبىتىنىڭ كۆزى ئاجىزلارغا قارىغاندا %63 تۆۋەن بولىدىغانلىقىنى بايقىغان. كۆزى ئاجىز بولسىمۇ ۋاقتىدا داۋالىتىلمىسا ياشانغانلارنىڭ ھەرخىل پائالىيىتىگە، ھەرىكىتىگە تەسىر يېتىدىكەن. ياشانغانلارنىڭ كۆزىنىڭ ئاجىزلىشىشى پەرزەنتلەر ئۈچۈن نورمال ھادىسىدەك كۆرۈنسىمۇ، بۇنىڭغا سەل قارىماسلىقى، چوقۇم ۋاقتىدا دوختۇرخانىغا ئاپىرىپ تەكشۈرتۈپ داۋالىتىشى ھەم ئۇلارغا ماس كېلىدىغان گىرادۇسلۇق كۆزەينەك سەپلەپ بېرىشى كېرەك ئىكەن. ياشانغانلارمۇ كۆزىنىڭ ئاجىزلىشىپ قالغانلىقىنى ھېس قىلغان ھامان ياشانغانلار كېسىلىنى داۋالايدىغان دوختۇرلاردىن مەسلىھەت سورىشى كېرەك ئىكەن. بۇنىڭ ئىچىدە كۆزگە ئاق چۈشۈش، سېرىق داغ چۈشۈش كېسىلى ۋە دىيابېت كېسىلىگە گىرىپتار بولغانلار ئالاھىدە دىققەت قىلىشى كېرەك ئىكەن، چۈنكى بۇ كېسەللەر كۆزنى تېخىمۇ ئاجىزلاشتۇرۇۋېتىدىكەن.
 
  1. قىزىتما: كىلىنىكىدا ئۆپكە ياللۇغىغا گىرىپتار بولغان بالىلارنىڭ قىزىتمىسىدا ھېچقانداق ئالامەت بولمايدۇ. لېكىن ئۆپكە ياللۇغىغا گىرىپتار بولغان كۆپ ساندىكى بالىلارنىڭ قىزىتمىسى چۈشمەيدىغان ئەھۋال يۈز بەرگەندىن باشقا، بىر قىسىم بالىلارنىڭ كۈندۈزدىكى تېمپېراتۇرىسى نورمال، ئەمما كەچ بولغاندا قىزىپ كېتىدىغان ئالامەتلەر كۆرۈلسە يەنە بىر قىسىم بالىلاردا ئۆپكە ياللۇغى بىلەن يۇقۇملانسىمۇ قىزىمايدىغان ئەھۋاللار كۆرۈلىدىكەن.
  2. يۆتەل: ئۆپكە ياللۇغىغا گىرىپتار بولغان بالىلارنىڭ مۇتلەق كۆپى توختىماي يۆتىلىدىكەن. بۇ باسقۇچ بالىلاردا ئۆتكۈنچى بولۇپ، غىدىقلاش خاراكتېرلىك قۇرۇق يۆتەل بولۇشىمۇ مۇمكىن ئىكەن.
  3. نەپەس سىقىلىش: بۇ خىل ئالامەت بوۋاقلاردا ياكى ئادەتتە نەپىسى سىقىلىش خاراكتېرلىك كېسەلگە گىرىپتار بولغان بالىلاردا كۆپرەك كۆرۈلىدىكەن، بۇ خىل كېسەلگە گىرىپتار بولغان بالىنىڭ داۋاملىق بۇرۇن سىنوسى گىژىلداش، ئاغزى ئەتراپى كۆكىرىپ كېتىش، نەپىسى تېزلىشىش، يۈرىكى مىنۇتىغا 40~80 قېتىمغىچە سوقۇش قاتارلىق ئالامەتلەر كۆرۈلگەندىن باشقا، كۆپ ھاللاردا روھى چۈشكۈن بولۇش، ئىشتىھاسى تۇتۇلۇش، بۇرۇقتۇرما بولۇش، يېنىك ئىچى سۈرۈش ياكى قوسۇش قاتارلىق ئالامەتلەر كۆرۈلىدىكەن.
  ئۆپكە ياللۇغىدا تۆۋەندىكى ئۈچ خىل خاتا قاراشتىن ساقلىنىش لازىم ئىكەن:
  1. قاتتىق يۆتەلگەن ھامان ئۆپكە ياللۇغىغا گىرىپتار بوپتۇ دەپ قاراش. يۇقىرى نەپەس يولى يۇقۇملانغاندا دىماق بوشلۇقى ياللۇغلانغان بولسىمۇ قاتتىق يۆتىلىدىكەن، لېكىن يۆتەل بىرقەدەر يېنىك بولسا، گېلى قىچىشىدىكەن ياكى گالدا غەيرى نەرسە تۇرۇپ قالغاندەك سېزىم بولىدىكەن، لېكىن ئۆپكە ياللۇغىدىن بولغان يۆتەل نەپەس يولىدىن چىقىدىكەن، چوڭقۇر نەپەس ئالغاندىن كېيىن يەنە قاتتىق يۆتىلىپ كېتىدىكەن.
  2. قىزىپ كەتكەنلىك ئۆپكە ياللۇغىغا گىرىپتار بولغانلىق دەپ قاراش. ئۆپكە ياللۇغىغا گىرىپتار بولۇشقا بىر جەريان كېتىدىكەن، يەنى ئۈچ كۈندىن بەش كۈنگىچە قىزىتمىسى يانمىسا، يۆتەل بارغانسېرى كۈچىيىپ كەتسە ئۆپكە ياللۇغىغا گىرىپتار بولغان بولىدىكەن، لېكىن يۇقۇملۇق كېسەل تارقالغان چاغ بۇنىڭ سىرتىدا بولۇپ، نۇرغۇن ئاغرىقلارنىڭ مىكروبتىن يۇقۇش ۋاقتى 24 سائەت ئىچىدىلا ئېغىر ئۆپكە ياللۇغىغا تەرەققىي قىلىدىكەن، ئەمما ئوكسىگېن يېتىشمەسلىك قاتارلىق ئېغىر ئالامەتلەر ئەگىشىپ ياكى قوشۇلۇپ كېلىدىكەن.
  3. بەلغەم كۆپ كەلسە ئۆپكە ياللۇغىغا گىرىپتار بولدى دەپ قاراش. بەزى بالىلار زۇكام بولغاندىن كېيىنمۇ بۇرۇندىكى ئاجراتما ماددىلار كاناي ۋە قىزىلئۆڭگەچكە يانىدىكەن، ئەمما ئالتە ياشتىن تۆۋەن بالىلار ئادەتتە يۆتەلگەندە ئاشۇ ئاجراتما ماددىنى ياندۇرالماي ئۇ ماددىلار كاناي ۋە قىزىلئۆڭگەچتە تۇرۇۋېلىپ كىشىگە بەلغەم كۆپ دېگەن تۇيغۇنى بېرىدىكەن، ئۆپكە ياللۇغىغا گىرىپتار بولغان بالىلارنىڭ قىزىتمىسى يانغاندىن كېيىن، ياللۇغ قوبۇل قىلغاندا ئاشۇنداق بەلغەمنى كۆپەيتىۋېتىدىكەن.

[an error occurred while processing this directive]
[an error occurred while processing this directive]
[an error occurred while processing this directive]
نادىر ناخشا – مۇزىكىلار
تور بېتىمىزدىكى يېڭىلىقلار
2018-يىلى 1-ئاي
2018-يىلى 2-ئاي
2017-يىلى 11-ئاي
2017-يىلى 12-ئاي
2018-يىلى 3-ئاي
رادىيو دىراممىسى
بۇ بەتنىڭ نەشىر ھوقۇقى شىنجاڭ خەلق رادىيو ئىستانسىسىغا تەۋە
ئالاقىلىشىش نومۇرى: 2571553، 2578492
ئادرىسىمىز: ئۈرۈمچى شەھىرى ئىتتىپاق يولى 830- نومۇر شىنجاڭ خەلق رادىيو ئسىتانسىسى تور مەركىزى