قىزىق نوقتا خەۋەرلىرى

شۆھرەت زاكىر قەشقەر ۋىلايىتىگە بېرىپ، ئامما بىلەن تاماقتا، يېتىپ- قوپۇشتا، ئەمگەكتە، ئۆگىنىشتە بىللە بولدى

2018-02-14 12:47:54     مەنبەسى: شىنجاڭ خەلق رادىيو ئىستانسىسى   

ئىستانسىمىز خەۋىرى:
مۇشۇ ئاينىڭ 12-، 13- كۈنلىرى، ئاپتونوم رايونلۇق پارتكومنىڭ مۇئاۋىن شۇجىسى، ئاپتونوم رايوننىڭ رەئىسى شۆھرەت زاكىر قەشقەر ۋىلايىتىگە بېرىپ، ئامما بىلەن تاماقتا، يېتىپ- قوپۇشتا، ئەمگەكتە، ئۆگىنىشتە بىللە بولدى؛ قىيىنچىلىقى بار ئاممىنى يوقلىدى؛ نامراتلىقتىن قۇتۇلدۇرۇش ئۆتكىلىگە ھوجۇم قىلىش خىزمىتىنى تەكشۈردى؛ «ئەلرايىنى بىلىش، ئەلگە نەپ يەتكۈزۈش، ئەلنى مايىل قىلىش» بويىچە كەنتكە چۈشكەن خىزمەت ئەترىتىنىڭ ئەزالىرىدىن ھال سورىدى؛ ئاپتونوم رايونلۇق پارتكوم ۋە خەلق ھۆكۈمىتىگە ۋاكالىتەن، كادىرلار ۋە ئاممىنىڭ چاغىنىنى مۇبارەكلىدى. شۆھرەت زاكىر «ھەر مىللەت كادىر- ئاممىسىنىڭ بېرىش- كېلىش قىلىشى، ئالماشتۇرۇشى ۋە بىرىكىشىنى ئىلگىرى سۈرۈپ، مىللەتلەر ئىتتىپاقلىقى، ئىجتىمائىي مۇقىملىق جەھەتتىكى ياخشى ۋەزىيەتنى يەنىمۇ مۇكەممەللەشتۈرۈپ ۋە راۋاجلاندۇرۇپ، شىنجاڭنىڭ ئىجتىمائىي مۇقىملىق ۋە ئەبەدىي ئەمىنلىكىنى پۇختا ئاساسقا ئىگە قىلىش كېرەك» دەپ تەكىتلىدى.
شۆھرەت زاكىر قەشقەر يېڭىشەھەر ناھىيەسىنىڭ يېڭىشەھەر بازىرى يېڭىشەھەر مەھەللىسىدىكى «پەن يۈليەن ئىللىقلىق دەرسخانىسى»غا بېرىپ، ئاپتونوم رايونلۇق ئەخلاق نەمۇنىچىسى پەن يۈليەننى يوقلىدى ھەمدە ئۇنىڭ 25 يىلدىن بۇيان ئۈنسىز تۆھپە قوشۇپ، ئىختىساس ئىگىلىرىنى تەربىيەلەپ، مىللەتلەر ئىتتىپاقلىقى خىزمىتىدە ئۈلگە بولغانلىقىنى مۇئەييەنلەشتۈردى. بالىلارنىڭ دۆلەت ئورتاق تىلىدا ماقالە يېزىپ، شېئىر دېكلىماتسىيە قىلغانلىقىنى كۆرگەن شۆھرەت زاكىر مۇنداق دېدى: تىل-- دۇنيانى تۇنۇشتىكى مۇھىم ئاچقۇچ. كۆپچىلىكنىڭ دۆلەت ئورتاق تىلىنى ياخشى ئۆگىنىپ ۋە پىششىق ئىگىلەپ، ۋەتەنگە جاۋاپ قايتۇرۇشىنى ئۈمىد قىلىمەن.
ئارقىدىن، شۆھرەت زاكىر قەشقەر يېڭىشەھەر ناھىيەسىنىڭ ياندۇما يېزىسى ئاياغ چىگەتۇغ كەنتىدىكى قىيىنچىلىقى بار ئاھالە ئادىل تۇرسۇننىڭ ئۆيىگە باردى. بۇلتۇر 12- ئايدا، ئادىل تۇرسۇن ئالاقىدار تولۇقلىمىلاردىن بەھرىمەن بولۇپ، 10 مىڭ يۈەندىن كۆپرەك پۇل خەجلەپلا، 130 نەچچە كۋادىرات مېتىر كېلىدىغان ئۆينىڭ سۇ- توك يوللىرىنى ئۆزگەرتىش، ئۆينى زىننەتلەش ئىشلىرىنى پۈتتۈردى ھەمدە يېڭىدىن زامانىۋى ئۆي جاھازلىرىنى ياساتتى. شۆھرەت زاكىر مۇنداق دېدى: زامانىۋى ئۆي جاھازلىرىنى ئائىلىلەرگە كىرگۈزۈش-- ناھايىتى ياخشى ئۇسۇل ھىساپلىنىدۇ. دېھقانلار بولۇپمۇ جەنۇبىي شىنجاڭدىكى نامرات رايونلاردىكى دېھقانلارغا زامانىۋى تۇرمۇش شەكلىنىڭ ياخشىلىقىنى ھىس قىلدۇرغاندىلا، زامانىۋى مەدەنىي تۇرمۇش شەكلىنى دېھقانلارنىڭ ۋۇجۇدىغا سىڭدۈرگىلى؛ ئۇلارنىڭ گۈزەل تۇرمۇشقا بولغان ئىنتىلىشىنى ئۈزۈكسىز كۈچەيتكىلى بولىدۇ. ئاساسىي قاتلامدىكى رەھبىرىي كادىرلار ئامما قوبۇل قىلالايدىغان شەكىللەر ئارقىلىق، دېھقانلارنى قالاق ئۆرپ- ئادەتلەردىن ۋاز كېچىش، زامانىۋى مەدەنىي تۇرمۇش كەچۈرۈشكە يېتەكلىشى كېرەك.
چاغان يېتىپ كېلەي دەپ قالدى. قەشقەر يېڭىشەھەر ناھىيەسى ئارال يېزىسىنىڭ خەنىچە كەنتىدىكى دېھقان ئەيسا ئابدۇرىھىمنىڭ دەرۋازىسىغا مەسنەۋىلەر چاپلانغان، پانۇسلار ئېسىلغان بولۇپ، قويۇق بايرام كەيپىياتى شەكىللەنگەنىدى. شۆھرەت زاكىر ئۇلارنىڭ ئۆيىگە بېرىپ، قوشماق تۇغقىنى لۇڭ جىجۈن شۇنىڭدەك كەنت كادىرلىرى، ئامما ۋەكىلى ۋە ئاپتونوم رايونلۇق خەلق ھۆكۈمىتى بەنگۇڭتىڭىدىن «ئەلرايىنى بىلىش، ئەلگە نەپ يەتكۈزۈش، ئەلنى مايىل قىلىش» بويىچە كەنتكە چۈشكەن خىزمەت ئەترىتىنىڭ ئەزالىرى بىلەن بىرلىكتە تاماق يىدى ۋە پاراڭلاشتى. «ئەلرايىنى بىلىش، ئەلگە نەپ يەتكۈزۈش، ئەلنى مايىل قىلىش» بويىچە كەنتكە چۈشۈش خىزمىتىنىڭ ئاساسىي قاتلامنىڭ تەشكىلىي قۇرۇلۇشىنى كۈچەيتىش، ئەسەبىيلىكنى تۈگىتىش، نامراتلارنى يۆلەش، قىيىنچىلىقى بارلارغا ياردەم بېرىش جەھەتتىكى ئەھۋاللىرىنى ئىگىلىدى.
 شۆھرەت زاكىر كۆپچىلىكنىڭ سۆزىنى ئاڭلاپ ئۆتكەندىن كېيىن مۇنداق دېدى: ئاپتونوم رايونلۇق خەلق ھۆكۈمىتى بەنگۇڭتىڭىدىن «ئەلرايىنى بىلىش، ئەلگە نەپ يەتكۈزۈش، ئەلنى مايىل قىلىش» بويىچە كەنتكە چۈشكەن خىزمەت ئەترىتى مۇھىم نۇقتىنى چۆرىگەن ھالدا خىزمەتلەرنى قانات يايدۇرۇپ، تۈرلۈك خىزمەتلەردە تەپەككۈر يوللىرى ئېنىق بولۇش، تەدبىرلەر ئەمەلىي بولۇش، ئۈنۈملۈك بولۇشنى قولغا كەلتۈردى. ئاممىۋى خىزمەتنى باشتىن- ئاخىر ياخشى ئىشلەپ، ئەل قەلبىنى مايىل قىلىش ۋە مۇجەسسەملەشنى خىزمەتلەرنىڭ چىقىش نۇقتىسى ۋە پۇت تىرەپ تۇرۇش نۇقتىسى قىلىش؛ ئاپتونوم رايونلۇق پارتكومنىڭ ئورۇنلاشتۇرمىسىغا ئاساسەن، «ئەلرايىنى بىلىش، ئەلگە نەپ يەتكۈزۈش، ئەلنى مايىل قىلىش» بويىچە كەنتكە چۈشۈش خىزمىتىنى ئۈنۈملۈك ئىلگىرى سۈرۈش؛ نامرات ئاھالىلارنىڭ تەرەققىيات ئىقتىدارىنى يۇقىرى كۆتۈرۈشنى مۇھىم نۇقتا، نامراتلارنى يۆلەش تەدبىرلىرىنىڭ كەنتلەر ۋە ئائىلىلەرنى تولۇق قاپلىشىنى تۇتقۇ قىلىپ، دىققەتنى دەل جايىدا كۈچەشكە قارىتىش؛ كۈچنى مەركەزلەشتۈرۈپ، ئۆتكەلگە ھوجۇم قىلىپ، نامراتلىقتىن قۇتۇلدۇرۇش ئۆتكىلىگە ھوجۇم قىلىشنىڭ ئومۇميۈزلۈك غەلبىسىنى قولغا كەلتۈرۈش؛ ئورۇن ئالماشتۇرۇپ پىكىر قىلىپ، ئاممىنىڭ نۇقتىسىدا تۇرۇپ، مەسىلىلەرنى ئويلاش؛ جان- دىل بىلەن ئامما ئۈچۈن مۇلازىمەت قىلىپ، ھەر مىللەت ئاممىسىغا نەپ يەتكۈزۈپ، مۇلازىمەت خىزمىتى ئارقىلىق، ئاممىنى ھەقىقىي رازى قىلىش كېرەك.
كۆپچىلىك بەس- بەستە سۆز قىلىپ، كەچ كىرىپ كەتكەنلىكىنى سەزمەي قېلىشتى. شۇ كۈنى كەچتە، شۆھرەت زاكىر دېھقاننىڭ ئۆيىدە قۇنۇپ قالدى ھەمدە يۇرتداشلارنىڭ تۇرمۇش ئەھۋالىنى ئىگىلىدى.

 تەرجىمان: مىھرىئاي ئوسمان

[an error occurred while processing this directive]
[an error occurred while processing this directive]
[an error occurred while processing this directive]
نادىر ناخشا – مۇزىكىلار
تور بېتىمىزدىكى يېڭىلىقلار
2018-يىلى 1-ئاي
2018-يىلى 2-ئاي
2017-يىلى 11-ئاي
2017-يىلى 12-ئاي
2018-يىلى 3-ئاي
رادىيو دىراممىسى
بۇ بەتنىڭ نەشىر ھوقۇقى شىنجاڭ خەلق رادىيو ئىستانسىسىغا تەۋە
ئالاقىلىشىش نومۇرى: 2571553، 2578492
ئادرىسىمىز: ئۈرۈمچى شەھىرى ئىتتىپاق يولى 830- نومۇر شىنجاڭ خەلق رادىيو ئسىتانسىسى تور مەركىزى