قىزىق نوقتا خەۋەرلىرى

قىيما گۈلى سوۋغا قىلىندى، سەنئەت نومۇرلىرى تەييارلاندى، «بەخت» خېتى سىزىلدى

2018-02-14 19:29:40     مەنبەسى: شىنجاڭ خەلق رادىيو ئىستانسىسى   

− سانجى شەھىرىدىكى ھەر مىللەت ئاممىنىڭ چاغاننى بىرلىكتە كۈتۈۋالغانلىقى توغرىسىدا

مۇخبىرلىرىمىز سۇ لۇپىڭ، سۈي يۈنيەن، خېي خۇڭۋېي

ياشانغانلار چاغاندىن بۇرۇن 1000 پارچە قىيما گۈلى قىيىپ، شەھەر ئاھالىلىرىگە سوۋغا قىلىشقا ئالدىراۋاتاتتى؛ ھەر مىللەت ياشلار سانجى شەھىرىنىڭ چاغانلىق سەنئەت كېچىلىكىدە ئاممىغا ئېسىل سەنئەت نومۇرلىرىنى كۆرسىتىش ئۈچۈن ئويۇن تەييارلاۋاتاتتى؛ بالىلار ئاتا- ئانىلىرى ۋە ئوقۇتقۇچىلىرىغا ئەڭ سەمىمىي تىلەكلىرىنى بىلدۈرۈش ئۈچۈن، بەس- بەستە رەسىم سىزىۋاتاتتى...چاغان كېلىش ئالدىدا، سانجى شەھىرىدىكى ھەر مىللەت ئامما تۈرلۈك ئۇسۇللار ئارقىلىق چاغان تەنتەنىسىگە تەييارلىق قىلماقتا ئىدى.

    1000 پارچە قەغەز قىيما ئارقىلىق بەخت تىلەش

  80 ياشتىن ئاشقان خاۋ شيەنيى 2- ئاينىڭ 3- كۈنى جورىسى لى جىنخۇا بىلەن چۈشلۈك تاماقتىن كېيىن قەغەز- قەلەم، قايچىلارنى تەييارلاپ، قەغەز قىيما قىيىشقا تۇتۇش قىلدى، ئۇلار بىردەمدىلا تىلىنى ساڭگىلىتىپ تۇرغان تۆت كۈچۈكنىڭ شەكلىنى قىيىپ چىقتى.

  خاۋ شيەنيى سانجى خۇيزۇ ئاپتونوم ئوبلاستىنىڭ غەيرىي ماددىي مەدەنىيەت مىراسى بولغان قەغەز قىيما ۋارىسى. سانجى شەھىرىدىكى كونا ئولتۇراق رايونلارنىڭ يېڭى قىياپەتكە كىرىپ، ئاھالىلەرنىڭ تۇرمۇش مۇھىتىنىڭ كۈندىن- كۈنگە ياخشىلىنىۋاتقانلىقىنى كۆرگەن خاۋ شيەنيى چەكسىز پەخىرلەندى. بۇلتۇر 7- ئايدا ئۇ جورىسى بىلەن 1000 پارچە قىيما گۈلى قىيىپ، چاغاندىن بۇرۇن ھەر قايسى مەھەللىلەر ئارقىلىق سانجى شەھىرىدىكى ھەر مىللەت ئاھالىگە سوۋغا قىلىشنى مەسلىھەتلەشتى.

  لى جىنخۇا بىزگە قايچا تۇتۇپ قاپىرىپ كەتكەن قوللىرىنى كۆرسەتكىنىچە مۇنداق دېدى: بىز بۇلتۇر 8- ئايدىن باشلاپ بۇ ئىشقا تەييارلىق قىلغان. ھازىرغىچە 900 دىن ئارتۇق قىيما گۈلنى قىيىپ بولدۇق، بەزى مەھەللىلەر بىزگە ياردەملىشىپ قىيما گۈلنى ئاھالىلەرگە مۇدەتتىن بۇرۇن ئاپىرىپ بەردى.

  خاۋ شيەنيى پۈتكەن قەغەز قىيمىلارنى بىر- بىرلەپ كۆرسەتكىنىچە: بىز ئوخشاش بولمىغان شەكىلدىكى قەغەز ئىت قىيمىلىرىنى قىيىپ چىقتۇق، كۆپچىلىكنىڭ تۇرمۇش ۋە خىزمىتىنىڭ كۈنسېرى روناق تېپىشىنى ئۈمىد قىلىمىز، دېدى.

    چاغاننى كۈتۈۋېلىش ئۈچۈن سەنئەت نومۇرلىرىنى تەييارلاش

  سانجى شەھەرلىك «خۇائېر» سەنئەت ئۆمىكىنىڭ باشلىقى يۈ ماۋلىڭ 2- ئاينىڭ 3- كۈنى چۈشتىن كېيىن ھەر ساھەدىن كەلگەن ياشلار بىلەن بىللە سەنئەت نومۇرلىرىنى جىددىي رېپېتىتسىيە قىلىۋاتاتتى. ئويۇن قويۇشقا قاتنىشىدىغان 80 نەپەر ھەر مىللەت ياش سانجى شەھىرىنىڭ 2018- يىللىق چاغانلىق سەنئەت كېچىلىكىدە كۆرسىتىدىغان ئويۇنغا جىددىي تەييارلىق كۆرۈۋاتاتتى.

  يۈ ماۋلىڭ تونۇشتۇرۇپ مۇنداق دېدى: «خۇائېر» سەنئەت ئۆمىكىمىز قەيەر ئېھتىياجلىق بولسا، شۇ يەرگە بېرىپ خالىس ئويۇن قويۇش ئىدىيەسى بىلەن، بۇلتۇر 12- ئايدىن باشلاپلا چاغانلىق سەنئەت نومۇرلىرىنى تەييارلاشقا باشلىغانىدۇق، ئۇزاق ئۆتمەيلا سانجى شەھەرلىك چاغانلىق سەنئەت كېچىلىكى سەنئەت نومۇرلىرىنى تەييارلاش گۇرۇپپىسىنىڭ تەكلىپىنى تاپشۇرۇۋالدۇق. قاتلاممۇ قاتلام تاللاش ئارقىلىق «خۇائېر» سەنئەت ئۆمىكىمىز ئالتە سەنئەت نومۇرىنى تەييارلاشنى ئۈستىمىزگە ئالدۇق، بۇ سەنئەت نومۇرلىرى ئىچىدە مۇناسىۋەتلىك ئورۇنلار بىلەن ھەمكارلىشىپ ئورۇنلايدىغان باشلىنىش ۋە ئاخىرلىشىش ئۇسۇلى، ئۆزىمىز ئىجاد قىلغان ۋە رېژىسسورلۇق قىلغان ناخشا- ئۇسسۇل، ئېتۇت، كۇەيبەر نومۇرلىرى، يەنە پارتىيە 19- قۇرۇلتىيىنىڭ روھىنى تەشۋىق قىلىدىغان ۋە سانجىدىكى ئۆزگىرىشلەرنى ئەكس ئەتتۈرىدىغان نومۇرلار بار.

  سانجى شەھەرلىك مەدەنىيەت- تەنتەربىيە- رادىيو- كىنو- تېلېۋىزىيە ئىدارىسىدىن ئۇقۇشىمىزچە، بۇ قېتىمقى چاغانلىق سەنئەت كېچىلىكىگە تەييارلانغان نومۇرلارنى ھەر قايسى مەھەللىلەر، كوچا باشقارمىلىرى، ئورۇنلار خەلق ئارىسىدىن تاللىغان بولۇپ، كۆپ قىسىم نومۇرلارنى ئەل ئىچى سەنئەت ئۆمەكلىرى ھەر مىللەت ئاممىغا ھەقسىز ئورۇنداپ بېرىدىكەن.

    چېۋەر قوللاردا سىزىلغان «بەخت يىلى»

  سانجى شەھىرى جۇڭشەن يولى كوچا باشقارمىسى تەڭرىتاغ مەھەللىسىنىڭ پائالىيەت ئۆيىدە 2- ئاينىڭ 3- كۈنى چۈشتىن بۇرۇن ئىلى پېداگوگىكا ئىنستىتۇتىنىڭ 1- يىللىق ئوقۇغۇچىسى ليەن جىڭجىڭ ئەلنەغمىچى گوجۇڭچىدىن قۇش رەسىمى سىزىشنى ئۆگىنىۋاتاتتى، ئۇ ئەسىرىنى ئاپىسىغا چاغانلىق سوۋغا قىلىپ بەرمەكچى ئىدى، «مەن <بەخت> خېتىنى سىزىپ ئاپامغا سوۋغا قىلىمەن»، دېدى ئۇ.

  ليەن جىڭجىڭ بىلەن بىرلىكتە ئۆگىنىۋاتقانلاردىن يەنە قىشلىق تەتىل قىلىۋاتقان ئوخشاش بولمىغان ياش قۇرامىدىكى نۇرغۇن ئوقۇغۇچى بار ئىدى. گو جۇڭچى ھەر بىر ئوقۇغۇچىغا تولىمۇ سەۋرچانلىق بىلەن رەسىم سىزىشنى ئۆگىتىۋاتاتتى.

  خۇيزۇ قىز سو شىنيى سىزىپ بولغان «يېڭى يىلىڭىز قۇتلۇق بولسۇن» دېگەن رەسىمىنى كۆپچىلىككە كۆرسەتكىنىچە: «يېڭى يىلىڭىز قۇتلۇق بولسۇن» دېگەن بۇ رەسىمىمنى ئوقۇتقۇچىمغا سوۋغا قىلىپ، ئۇنىڭ چاغاننى خۇشال- خۇرام ئۆتكۈزۈشىنى تىلەيمەن، دېدى.

  65 ياشلىق گو جۇڭچى ئۆزلۈكىدىن ئۆگىنىپ يېتىشكەن ئەلنەغمىچى بولۇپ، كىچىكىدىن رەسىم سىزىشنى ياخشى كۆرەتتى، ئىلگىرى ئائىلىسىنىڭ شارائىتى ناچار بولغانلىقتىن، كەسپىي گۈزەل سەنئەت مەكتەپلىرىدە ئوقۇيالمىغانىدى، شۇڭا ئۇ ھەر خىل كىتابلارنى سېتىۋېلىپ ئۆزلۈكىدىن ئۆگەنگەنىدى.

  ياشىنىپ قالغان گو جۇڭچىنىڭ كىرىم مەنبەسى يوق بولۇپ، بەزى چاغلاردا سىزغان رەسىملىرىنى سېتىپ ئازراق پۇل تاپاتتى. مەھەللە بۇ ئەھۋالنى بىلگەندىن كېيىن، ئۇنىڭغا ياردەملىشىپ تۆۋەن كاپالەت پۇلىنى ئىلتىماس قىلىپ بەردى، بۇنىڭ بىلەن ئۇنىڭ تۇرمۇشى كۆپ ياخشىلاندى. ئۇ: ئەڭ قىيىن ئەھۋالدا قالغىنىمدا ھۆكۈمەتنىڭ تۆۋەن كاپالەت پۇلىدىن بەھرىمەن بولدۇم، شۇنداقلا جەمئىيەتتىكى نۇرغۇن مېھرىبان كىشىلەرنىڭ ياردىمىگە ئېرىشتىم. مەھەللىنىڭ قىشلىق تەتىل قىلىۋاتقان ئوقۇغۇچىلارنى يىغىپ، ئۇلارغا رەسىم سىزىش، مۇزىكا چېلىشنى ئۆگەتمەكچى بولغانلىقىنى ئاڭلاپ، بۇ يەرگە كېلىپ، بالىلارغا رەسىم سىزىشنى خالىس ئۆگىتىۋاتىمەن، دېدى.

مەنبە: شىنجاڭ گېزىتى

[an error occurred while processing this directive]
[an error occurred while processing this directive]
[an error occurred while processing this directive]
نادىر ناخشا – مۇزىكىلار
تور بېتىمىزدىكى يېڭىلىقلار
2018-يىلى 1-ئاي
2018-يىلى 2-ئاي
2017-يىلى 11-ئاي
2017-يىلى 12-ئاي
2018-يىلى 3-ئاي
رادىيو دىراممىسى
بۇ بەتنىڭ نەشىر ھوقۇقى شىنجاڭ خەلق رادىيو ئىستانسىسىغا تەۋە
ئالاقىلىشىش نومۇرى: 2571553، 2578492
ئادرىسىمىز: ئۈرۈمچى شەھىرى ئىتتىپاق يولى 830- نومۇر شىنجاڭ خەلق رادىيو ئسىتانسىسى تور مەركىزى