قىزىق نوقتا خەۋەرلىرى

كاللەكبەسەينىڭ داۋالاش رولى

2018-07-05 11:35:23     مەنبەسى: شىنجاڭ خەلق رادىيو ئىستانسىسى   

كاللەكبەسەينىڭ كاپۇستا ۋە كاللەك ئوتياش دېگەندەك ناملىرى بار، ئۇنىڭ ئوزۇقلۇق قىممىتى يۇقىرى بولۇپلا قالماستىن، B تۈردىكى ۋىتامىنلار، ۋىتامىن u، ۋىتامىن K، ۋىتامىن C، يېمەكلىك تالاسى ۋە كالتسىي مىقدارى ئىنتايىن يۇقىرى، ئۇنىڭ داۋالاش ئۈنۈمىمۇ ناھايىتى ياخشى.
كاللەكبەسەي قاندىكى خولېستېرىننى تۆۋەنلىتىدۇ. كاللەكبەسەي تەركىبىدىكى مول بولغان B تۈردىكى ۋىتامىنلار، ۋىتامىنC ۋە يېمەكلىك تالاسىنىڭ ئاشقازان-ئۈچەينىڭ لۆمۈلدىشىنى تېزلىتىپ، بەدەندىكى توكسىن ۋە تەرەتنى ھەيدەپ، قاندىكى خولېستېرىننىڭ قويۇقلۇقىنى تۆۋەنلىتىش رولى بار.
كاللەكبەسەي ماينى سېرىدۇ. كاللەكبەسەي تەركىبىدىكى تارترونىك كىسلاتا قەنت تۈرىدىكىلەرنىڭ مايغا ئايلىنىشىنى تىزگىنلەپ، ياغنىڭ بەدەندە يىغىلىپ قىلىشىنى ئازايتىدۇ، ئۇنىڭ تەبىئىي «ماي سىرىيدىغان كۆكتات» دېگەن چىرايلىق نامى بار.
كاللەكبەسەي ئاشقازان كېسىلىنى يېنىكلىتىدۇ. كاللەكبەسەي تەركىبىدىكى ۋىتامىن u نىڭ ئاشقازان-ئۈچەي شىلىمشىق پەردىسىنى قوغداپ، ئون ئىككى بارماق ئۈچەي ياللۇغىنىڭ ئالدىنى ئېلىش رولى بار. بۇنىڭدىن سىرت، ۋىتامىن uنىڭ يەنە زەھەر قايتۇرۇش رولى بولۇپ، دائىم مېھماندارچىلىقتا ھاراق ئىچىش ياكى ھاراق چىشلىۋېلىشتىن بولىدىغان ئاشقازان كۆپۈش ئالامىتىنى ياخشىلايدۇ.
كاللەكبەسەي راك كېسىلىگە گىرىپتار بولۇش خەۋپىنى تۆۋەنلىتىدۇ. كاللەكبەسەي تەركىبىدىكى مول بولغان مىكرو ئېلېمېنت مولىبدېننىڭ ئادەم بەدىنىدە پەيدا بولغان نىتروزامىن، گۈڭگۈرتلۈك تۇرۇپ، ئىزوتىئوسىئاناتنى ئازايتىپ، ھۈجەيرىلەرنىڭ تۇيۇقسىز ئۆزگىرىشىنى چەكلەش رولى بار، بۇ ئوزۇقلۇق تەركىبلەرنىڭ ھەممىسى ئادەم بەدىنىدە راك پەيدا بولۇش نىسبىتىنى تۆۋەنلىتىدۇ.
كاللەكبەسەيدىن يېمەكلىك تەييارلىغاندا سۇدا پىشۇرۇشتىن ساقلىنىش كېرەك، بولمىسا ئوزۇقلۇق تەركىبلىرى خوراپ كېتىدۇ، شۇڭا كاللەكبەسەينى مايدا قورۇغاندا سۇدا ئېرىشچان B تۈردىكى ۋىتامىنلار، ۋىتامىن K، ۋىتامىن C ۋە مىنېرال ماددىلارنى ساقلاپ قالغىلى بولىدۇ، ئەمما ۋىتامىن Cيۇقىرى تېمپېراتۇرىغا بەرداشلىق بېرەلمەيدىغان بولغاچقا، ماينىڭ تېمپېراتۇرسىنى بەك يۇقىرى قىلىۋېتىشكە، ئۇزۇن قورۇشقا بولمايدۇ.

[an error occurred while processing this directive]
[an error occurred while processing this directive]
[an error occurred while processing this directive]
نادىر ناخشا – مۇزىكىلار
تور بېتىمىزدىكى يېڭىلىقلار
2018-يىلى 1-ئاي
2018-يىلى 2-ئاي
2017-يىلى 11-ئاي
2017-يىلى 12-ئاي
2018-يىلى 3-ئاي
رادىيو دىراممىسى
بۇ بەتنىڭ نەشىر ھوقۇقى شىنجاڭ خەلق رادىيو ئىستانسىسىغا تەۋە
ئالاقىلىشىش نومۇرى: 2571553، 2578492
ئادرىسىمىز: ئۈرۈمچى شەھىرى ئىتتىپاق يولى 830- نومۇر شىنجاڭ خەلق رادىيو ئسىتانسىسى تور مەركىزى